អតីតជើងខ្លាំងចាស់វស្សា អ៊ឹង បូរ៉ា សរសើរ ឡៅ ចិត្រា មានផ្លែល្អគ្រប់ក្បាច់

2017-11-16 02:59:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជើងខ្លាំងកាលពី៣ឆ្នាំមុន អ៊ឹង បូរ៉ា សរសើរអ្នកប្រដាល់មកពីឆ័ត្រយោង ៩១១ ឡៅ ចិត្រា ថា ជាជើងខ្លាំងប្រចាំទម្ងន់ ៥៧គីឡូក្រាម ដែលមានផ្លែល្អគ្រប់ក្បាច់ទាំងអស់។

កីឡាករ អ៊ឹង បូរ៉ា

កីឡាករ អ៊ឹង បូរ៉ា បានឲ្យដឹងថា បើមើលតាមការប្រកួតរបស់ ឡៅ ចិត្រា កន្លងមកមិនសរសើរមិនបាន ក្មេងទើបនិងឡើងកូដ ប្រកួតកម្រនិងចាញ់ បើនិយាយពីស្នៀតវិញល្អគ្រប់ក្បាច់តែម្ដង ដូចជាដៃ ជើង កែង ជាពិសេសកម្លាំងតែម្ដង។

ម្ចាស់ខ្សែក្រវាត់របស់ CTN ៣ឆ្នាំមុនរូបនេះបន្តថា បើគិតមើលទៅកីឡាករចាស់ៗដូចលោកជាដើម បើប៉ះក្មេងៗឥលូវក៏ពិបាកដែរ បើទោះជាមានស្នៀតល្អយ៉ាងក៏ដោយ បើកម្លាំងមិនដល់ក្មេងគឺពិបាកប្រកួតហើយ ដូច្នេះត្រូវការហ្វឹកហាត់ខ្លាំងទើបអាចទប់ទល់រួច។

ឡៅ ចិត្រា ពេលឈ្នះមេដាយមាសកីឡាជាតិ

ឡៅ ចិត្រា ពេលឈ្នះមេដាយសំរឹទ្ធស៊ីហ្គេម

អ្នកលេងគុនខ្មែរ អ៊ឹង បូរ៉ា ទើបតែឡើងសង្វៀនវិញបាន ៧-៨ប្រកួតនោះទេ ក្រោយពីបោះបង់សង្វៀនចោលចុងឆ្នាំ ២០១៣ មកម្ល៉េះ។ ការវិលចូលប្រឡូកអាជីពឈឺខ្លួនវិញនេះ គេទើបនឹងឈ្នះពានប្រចាំសង្វៀន CNC កាលពីថ្ងៃទី៥ ដើមខែវិច្ឆិកាថ្មីៗនេះ៕

អត្ថបទ៖ នួន ស៊ីណា