Sabay ប្រាប់គន្លឹះថតវីដេអូមិនឲ្យងងឹត ជាមួយមុខងារ AE-Lock

2017-11-16 03:16:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបទាមទារពន្លឺគ្រប់គ្រាន់ក្នុងការបំភ្លឺ Subject ឲ្យមើលទៅស្អាតល្អ ចំណែកការថតវីដេអូក៏ដូច្នោះដែរ។ អ្នកគួរដឹងទីតាំងប្រភពពន្លឺ ជះលើ Subject។ ប្រសិនបើអ្នកថតនៅខាងក្នុង ដូចជាផ្ទះ អ្នកប្រហែលជាត្រូវការប្រើអំពូលភ្លើង ជាប្រភពពន្លឺ។ ម្យ៉ាងវិញទៀត អ្នកប្រហែលជាត្រូវការផ្លាស់ប្ដូរទីតាំងកាមេរ៉ា ឬផ្លាស់ប្ដូរពន្លឺដោយប្រើដូចជា Reflector ដើម្បីឲ្យទិដ្ឋភាពមានពន្លឺល្អប្រសើរ។

តើពេលណាអ្នកគួរប្រើ AE-Lock?

ពេលអ្នកថតនៅខាងក្រៅ Subject អាចមានស្រមោល ឬងងឹតប៉ុន្តែផ្ទៃក្រោយបែរជាភ្លឺដោយពន្លឺថ្ងៃ ដូច្នេះអ្នកអាចប្រើមុខងារ AE-lock លើកាមេរ៉ាដើម្បីទទួលបាននូវ Exposure ដ៏ល្អសម្រាប់ Subject។

ពេលអ្នកថតរូប Subject ប្រឈមនឹងពន្លឺថ្ងៃ Subject នឹងប្រែជាមានស្រមោល ឬងងឹត។ អ្នកអាចប្រើ Spot metering បន្ទាប់មកកំណត់ Subject ឲ្យស្ថិតនៅកណ្ដាលក្នុង Frame ឬដើរទៅកៀកនឹង Subject ដើម្បីបំពេញ Frame។ អ្នកគួរបើកដំណើរការ Live View ហើយចុចឲ្យជាប់នឹងប៊ូតុង AE-Lock បន្ទាប់មកកំណត់ Frame ឡើងវិញ រួចចុចថតទិដ្ឋភាព។ ការធ្វើបែបនេះនឹង Lock នូវ Exposure ដរាបណាអ្នកចុចជាប់នឹងប៊ូតុង AE-L កំឡុងពេលថត។

ប៊ូតុង AE-L/AF-L លើកាមេរ៉ា HDSLR របស់ Nikon អាចគ្រប់គ្រងទាំង Auto Exposure Lock (AE-L) និង Auto Focus Lock (AF-L)។ អ្នកអាចគ្រប់គ្រងនូវដំណើរការប៊ូតុង ដោយផ្លាស់ប្ដូរ Settings ដោយខ្លួនឯង។ អ្នកមានជម្រើសច្រើនដូចជា AE/AF lock, AE lock only, AE lock (Hold), AF lock only និង AF-ON។ សម្រាប់ជម្រើស AE lock (Hold) ល្អជាងគេសម្រាប់ថតវីដេអូ ដោយសារអ្នកចុចមួយដងលើប៊ូតុង AE-L ក្នុងការដំណើរការ តម្លៃ Exposure នឹងនៅតែ Lock សូម្បីអ្នកលេងចុចលើប៊ូតុង AE-L។ អ្នកអាចចុចមួយដងទៀត ដើម្បី Unlock តម្លៃ Exposure ឲ្យមានការកែប្រែ៕