អាណិត! ភរិយាតាវីតាមីនសេសោកសង្រេងខ្លាំង ថ្ងៃស្វាមីចេញដំណើរទៅព្យាបាលនៅថៃ

2017-11-16 04:06:40
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅយប់មិញនេះតារាកំប្លែងជើងចាស់នាយ វីតាមីនសេ បានធ្វើដំណើរចេញពីប្រទេសកំណើតខ្លួនទៅព្យាបាលជំងឺនៅប្រទេសថៃ ក្រោយពីជំងឺលោកកាន់តែធ្ងន់ធ្ងរធ្វើទុក្ខមិនបានគេងពីមួយថ្ងៃទៅមួយថ្ងៃ។

ការចេញដំណើរទៅព្យាបាលនៅប្រទេសថៃធ្វើឲ្យអ្នកស្រី លីវ ស៊ីថា ដែលមានវ័យ ៧១ ឆ្នាំត្រូវជាភរិយាលោក វីតាមីនសេ មានអារម្មណ៍ក្ដុកក្ដួលសោកសង្រេងក្នុងចិត្តយ៉ាងខ្លាំង ដល់ថ្នាក់ធ្វើឲ្យអ្នកស្រីព្រមទាំងកូនទប់ទឹកភ្នែកមិនបានក៏ទ្រហោយំនៅអាកាសយានដ្ឋានអន្តរជាតិភ្នំពេញតែម្ដង។

ជាមួយទឹកមុខក្រៀមក្រំបារម្ភពីស្ថានភាពជំងឺស្វាមីអ្នកស្រី លីវ ស៊ីថា បានរៀបរាប់ទាំងអួលដើមករថា អ្នកស្រីសង្ឃឹមថា ការចាកចេញទៅព្យាបាលជំងឺនៅប្រទេសថៃ ស្វាមីខ្លួននឹងបានប្រសើរជាងនៅស្រុកខ្មែរ។

អ្នកស្រីមានប្រសាសន៍ថា៖“ខ្ញុំពិតជាពិបាកចិត្តខ្លាំងណាស់ ពេលដឹងថាគាត់មានជំងឺច្រើនមុខអ៊ីចឹង សព្វថ្ងៃនេះក្រុមគ្រួសារខ្ញុំទាំងមូលបានគាត់ហ្នឹងឯងជាអ្នករ៉ាប់រងរាល់ការចំណាយនៅក្នុងគ្រួសារទាំងមូល ខ្ញុំសូមបន់ស្រន់ឲ្យគាត់បានជាសះស្បើយក្នុងពេលឆាប់នេះ នឹងបានត្រលប់មកស្រុកខ្មែរវិញ"។

មុនតារាកំប្លែងជើងចាស់រូបនេះសម្រេចទៅព្យាបាលជំងឺនៅប្រទេសថៃ ដោយសារតែលោកមានជំងឺច្រើនមុខដូចជា៖ ដុះសាច់ក្នុងថ្លើម ដំបៅក្រពះ លើសឈាម និង ជំងឺទឹកនោមផ្អែម។ ក្នុងដំណើរចេញទៅប្រទេសថៃយប់មិញនេះអ្នករួមដំណើរជាមួយមាន អ្នកនាងប៉េងប៉ោង និងស្វាមី ព្រមទាំងកូនស្រីម្នាក់ទៀតទៅជាមួយផងដែរ៕