ថៃជាប់លេខ២ សម្បូរស្រ្តីធាត់បំផុតនៅអាស៊ី ចុះប្រទេសណា ជាប់លេខ១?
- 2017-11-16 08:34:07
- ចំនួនមតិ 0 | ចំនួនចែករំលែក 0
ថៃជាប់លេខ២ សម្បូរស្រ្តីធាត់បំផុតនៅអាស៊ី ចុះប្រទេសណា ជាប់លេខ១?
ចន្លោះមិនឃើញ
ប្រធានសមាគម Diabetes Association របស់ប្រទេសថៃ បានបង្ហាញពីបញ្ហាធាត់លើសទម្ងន់ នៅក្នុងប្រទេសរបស់ខ្លួន ដោយការប្រកាសថា ស្ត្រីថៃ គឺជាស្ត្រីដែលធាត់ជាងគេលំដាប់ទី២ នៅអាស៊ី។
លោកស្រីវេជ្ជបណ្ឌិត Wannee Nithiyanan បានឲ្យដឹងថា មានតែស្ត្រីជនជាតិម៉ាឡេស៊ីប៉ុណ្ណោះ ដែលលើសទម្ងន់ជាងស្ត្រីជនជាតិថៃ។ លោកស្រី Wannee បានបន្ទោសលើរបបអាហារ និងការធ្វើលំហាត់ប្រាណមិនគ្រប់គ្រាន់ ដែលជាមូលហេតុនៃបញ្ហានេះ។ ជនជាតិថៃប្រមាណជា ៨ ០០០នាក់ បានស្លាប់ជារៀងរាល់ឆ្នាំ ដោយសារតែជំងឺទឹកនោមផ្អែម ដែលកើតឡើងពីការធាត់លើសទម្ងន់។ នេះបើតាមការបញ្ជាក់បន្ថែមពី លោកស្រី Wannee។
បើយោងតាមតួលេខ បានបង្ហាញថា ក្នុងរយៈពេល ៥ឆ្នាំ ពោលគឺចាប់ពីឆ្នាំ២០០៩ ដល់ ២០១៤ ចំនួនអ្នកកើតជំងឺទឹកនោមផ្អែមនៅប្រទេសថៃ បានកើនឡើងពី ៣,៣ ទៅ ៤,៨លាននាក់ ខណៈ ៧,៧លាននាក់ផ្សេងទៀត កំពុងប្រឈមនឹងការវិវត្តនៃជំងឺទឹកនោមផ្អែម។
លោកស្រីវេជ្ជបណ្ឌិត Wannee បានអះអាងថា ជំងឺទឹកនោមផ្អែម ជាទូទៅកើតលើស្ត្រីថៃច្រើនជាងបុរស។
យ៉ាងណាមិញ លោកវេជ្ជបណ្ឌិត Suwanchai Wattanayingchareonchai ដែលជាអគ្គនាយក នៃនាយកដ្ឋានគ្រប់គ្រងជំងឺ បានឲ្យដឹងថា ស្ត្រីជនជាតិថៃស្ទើរតែពាក់កណ្ដាល កើតមានបញ្ហាលើសទម្ងន់។ ជាមួយគ្នានេះ លោក Suwanchai ក៏បានបន្ថែមថា ជំងឺទឹកនោមផ្អែម ក៏ជាមូលហេតុទី២ នៃការស្លាប់របស់ស្ត្រីថៃផងដែរ៕
ចុចអាន៖