ក្តៅៗ! Kangin សមាជិកក្រុម Super Junior ត្រូវបានចាប់ខ្លួនព្រោះប្រើអំពើហិង្សាលើមិត្តស្រី

2017-11-17 02:27:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីប៉ុន្មានម៉ោងមុននេះ តារាចម្រៀង Kangin ត្រូវបានរាយការណ៍ថាបានប្រើអំពើហិង្សាលើមិត្តស្រីរបស់លោកដែលបណ្ដាលឲ្យមានការភ្ញាក់ផ្អើលជាខ្លាំង។

តារាប្រុសសមាជិកក្រុមចម្រៀង Super Junior រូបនេះ បានបង្កហេតុការណ៍នឹកស្មានមិនដល់មួយ នៅពេលយកដៃរបស់ខ្លួនធ្វើរឿងមិនគប្បី ដោយប្រើអំពើហិង្សាលើមិត្តស្រីខ្លួន នៅបារមួយកន្លែង។ ភ្លាមៗក្រោយកើតហេតុ ក្រុមប៉ូលិសក៏បានទៅដល់កន្លែងកើតហេតុ ដើម្បីចាត់វិធានការបន្ទាន់១។

ទោះជាយ៉ាងណាក៏ដោយ មិត្តស្រីរបស់លោក Kangin បាននិយាយថានាងមិនចង់ប្ដឹងផ្ដល់ ឫមានរឿងវែងឆ្ងាយទេ ដូច្នេះហើយទើបខាងប៉ូលិសសម្រេចដោះលែងពួកគេវិញទៅ។

បន្ទាប់ពីរឿងរ៉ាវនេះផ្ទុះឡើង ផលិតកម្ម SM ក៏បានចេញមុខនិយាយដែរថា៖ “ឥឡូវនេះ ពួកយើងកំពុងតែព្យាយាមតាមដានរឿងនេះយ៉ាងយកចិត្តទុកដាក់”។

បើនិយាយពីការកើតមាននូវរឿងអាស្រូវ ទាក់ទងនឹងតារាប្រុសវ័យ ៣២ឆ្នាំរូបនេះ វាមានមិនមែនជាលើកទី ១ទេ ពោលកន្លងទៅ លោកក៏ធ្លាប់បានឃាត់ខ្លួន ២ដងដែរ ដោយសារបើកបរក្នុងពេលស្រវឹង។ មូលហេតុជាប់ពាក់ព័ន្ធទាំងនេះហើយ ទើប Kangin ត្រូវអវត្តមានពីក្នុងក្រុមរបស់ខ្លួនរហូតទល់បច្ចុប្បន្ន៕

ប្រភព៖ Koreaboo ប្រែសម្រួល៖ អន សុភក្ត្រា