Aubameyang ត្រូវក្លឹប Dortmund ពិន័យដោយសារមិនគោរពវិន័យ
- 2017-11-17 02:39:23
- ចំនួនមតិ 0 | ចំនួនចែករំលែក 0
Aubameyang ត្រូវក្លឹប Dortmund ពិន័យដោយសារមិនគោរពវិន័យ
ចន្លោះមិនឃើញ
Pierre-Emerick Aubameyang ត្រូវក្លឹប Borussia Dortmund ពិន័យក្រោមមូលហេតុមិនគោរពវិន័យដែលធ្វើឲ្យរូបគេខកខានការប្រកួតនៅ Bundesliga ទល់នឹង VfB Stuttgart។
ក្លឹបរហស្សនាមថា Die Borussen ប្រាប់ឲ្យដឹងពីការពិន័យនៅពេលតបនឹងសំណួររបស់អ្នកគាំទ្រដែលសួរនៅលើ Twitter ថាហេតុអ្វីមិនឃើញ Aubameyang ធ្វើដំណើរទៅទឹកដី Stuttgart ជាមួយក្រុម។ យ៉ាងណាក៏ដោយ Dortmund មិនបានបញ្ជាក់ថាតើកំហុសមិនគោរពវិន័យនោះជាអ្វីទេ។
Aubameyang ជារឿយៗតែងត្រូវ Dortmund ពិន័យ តួយ៉ាងកាលពីឆ្នាំមុនរូបគេត្រូវពិន័យដោយសារលួចទៅដើរលេងនៅប្រទេសអ៊ីតាលី។ ខ្សែប្រយុទ្ធវ័យ២៨ឆ្នាំស៊ុតបញ្ចូលទី១៥គ្រាប់ក្នុងការលេង ១២ប្រកួតរដូវកាលនេះ ហើយកាលពីដើមរដូវកាលរូបគេជាគោលដៅដែល Chelsea, Manchester City និង Paris St-Germain ចិញ្ចឹមចិត្តចង់បាន។
Dortmund លេងចាញ់៣ប្រកួត នៅ៤ប្រកួតចុងក្រោយធ្វើឲ្យក្លឹបធ្លាក់ទៅលេខ៣ក្នុងតារាង Bundesliga ចាញ់ លេខ១ Bayern Munich រហូត៦ពិន្ទុ។ ក្រុមដែលដឹកនាំដោយលោក Peter Bosz ត្រូវបើកទ្វារផ្ទះស្វាគមន៍ Tottenham Hotspur នៅ Champions League សប្ដាហ៍ក្រោយ៕