Bella Thorne បង្ហោះសារចងចាំអតីតមិត្តប្រុស ដែលជាតារារ៉េបវ័យក្មេងទើបនឹងស្លាប់
- 2017-11-17 06:14:02
- ចំនួនមតិ 0 | ចំនួនចែករំលែក 0
Bella Thorne បង្ហោះសារចងចាំអតីតមិត្តប្រុស ដែលជាតារារ៉េបវ័យក្មេងទើបនឹងស្លាប់
ចន្លោះមិនឃើញ
Bella Thorne បានបង្ហោះសារនៅក្នុងបណ្ដាញសង្គម Instagram ដើម្បីចងចាំអតីតសង្សារនាងតារារ៉េប Lil Peep ឈ្មោះពិត Gustav Åhr ដែលទើបនឹងស្លាប់ថ្មីៗនេះដោយសារតែប្រើប្រាស់គ្រឿងញៀនហួសកម្រិត។
តារារ៉េបនេះស្លាប់ក្នុងវ័យតែ ២១ឆ្នាំតែប៉ុណ្ណោះ កាលពីថ្ងៃពុធទី ១៥ខែវិច្ឆិកានេះ ធ្វើឲ្យមិត្តភ័ក្ដិនិងអ្នកគាំទ្រលោកជាច្រើនរូបសោកស្ដាយជាខ្លាំង។
Bella បានសរសេរនៅលើបណ្ដាញសង្គម Twitter ថា ៖ "Peep អ្នកគួរតែទទួលបានអ្វីល្អជាងនេះ។ ជីវិតមិនមានយុត្តិធម៌សម្រាប់ភាពអស្ចារ្យរបស់អ្នកទាល់តែសោះ"។
តារាសម្ដែងវ័យ ២០ឆ្នាំរូបនេះបានទាក់ទងជាមួយ Lil Peep ប៉ុន្មានខែមុនស្លាប់ ដោយបានចំណាយពេលនិងមានអនុស្សាវរីយ៍ល្អៗជាមួយគ្នាយ៉ាងច្រើន។
អ្នកទាំងពីរត្រូវបានគេប្រទះឃើញចេញទៅក្រៅជាមួយគ្នាជាច្រើនដងកាលពីខែកញ្ញា មើលទៅពិតជាស្និទ្ធស្នាលនឹងគ្នា ប៉ុន្តែក៏បែកបាក់គ្នាដោយសារសុទ្ធតែរវល់ការងារសិល្បៈរៀងខ្លួន។
ម្យ៉ាងវិញទៀត Lil Peep បានខិតខំជម្នះនូវការញៀនគ្រឿងញៀនរបស់ខ្លួនតាំងពីវ័យក្មេង ដោយសារតែមានបញ្ហាជាច្រើនក្នុងជីវិតមិនអាចដោះស្រាយបាន ជាពិសេសគឺជំងឺបាក់ទឹកចិត្ត។
Peep ត្រូវបានតារាៗជាច្រើនរូបស្រលាញ់និងពេញចិត្ត ដោយបង្ហោះសាររំលែកទុក្ខជាច្រើនលើបណ្ដាញសង្គម Twitter ដូចជា Post Malone, Travis Barker, Sam Smith និង Diplo ជាដើម៕
អានអត្ថបទ៖
តិចអត់ដឹងតួស្រីក្នុងបទ Attention ត្រូវជាអ្វីនឹង Charlie Puth ចុះ?
Kim Kardashian គាំងស្ញេញ មិនហ៊ានឆ្លើយពេលគេសួរដល់សំណួរមួយនេះ