ត្រៀមអាវភ្លៀងឲ្យហើយទៅ! កម្ពុជានឹងមានភ្លៀងធ្លាក់ជោកជាំច្រើនថ្ងៃបំផុត
- 2017-11-17 05:12:21
- ចំនួនមតិ 0 | ចំនួនចែករំលែក 0
ត្រៀមអាវភ្លៀងឲ្យហើយទៅ! កម្ពុជានឹងមានភ្លៀងធ្លាក់ជោកជាំច្រើនថ្ងៃបំផុត
ចន្លោះមិនឃើញ
កម្ពុជា នឹងមានភ្លៀងធ្លាក់រយៈពេល ៣ថ្ងៃចាប់ពីថ្ងៃទី១៩ ដល់ ២១វិច្ឆិកាខាងមុខនេះ។ នេះបើតាមក្រសួងធនធានទឹក និងឧតុនិយមបានឲ្យដឹងនៅថ្ងៃទី១៧វិច្ឆិកានេះ។
តាមការព្យាករណ៍ ភ្លៀងធ្លាក់នេះគឺ បណ្ដាលមកពីសម្ពាធទាបសកម្មមួយនៅក្នុងសមុទ្រចិនខាងត្បូង បាននឹងកំពុងធ្វើដំណើរមកទិសខាងលិច។ សម្ពាធទាបនេះ នឹងបន្តវិវត្តទៅជាវិសម្ពាធ ហើយនិងបន្តដំណើរដល់តំបន់ដីសណ្តរទន្លេមេគង្គ នាថ្ងៃទី១៩ ខែវិច្ឆិកា។
ចំណែកឯតំបន់ដែលនឹងរងការធ្លាក់ភ្លៀង គឺនៅរាជធានីភ្នំពេញ ខេត្តស្វាយរៀង ព្រៃវែង កណ្តាល តាកែវ កំពង់ស្ពឺ កំពត កែប និងខេត្តព្រះសីហនុ អាចនឹងមានភ្លៀងធ្លាក់ពីបង្គួរទៅច្រើន។ ចំណែកតំបន់ឆ្នេរ និងនៅលើផ្ទៃសមុទ្រ នឹងមានភ្លៀងធ្លាក់ច្រើនលាយឡំជាមួយខ្យល់បក់បោកខ្លាំង និងមានរលកសមុទ្រខ្ពស់ៗ។
សូមប្រជាពលរដ្ឋទាំងអស់ ពិសេសប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ៕