នាយ ចឺម សម្រេចចិត្តដើរចេញពីក្រុមកំប្លែង ពែកមី

2017-11-17 07:35:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលកេរ្តិ៍ឈ្មោះបោះសំឡេងទាំងផ្នែកចម្រៀង កំប្លែង និងសម្ដែង នាយ ចឺម បែរជាប្រកាសដើរចេញពីក្រុមកំប្លែង ពែកមី មួយរយៈទៅវិញ។

ចំពោះការដើរចេញនេះដែរនាយ ចឺម បានប្រាប់ Sabay ថាខ្លួនមិនបានទៅចូលក្រុមកំប្លែងណាមួយនោះនោះទេ។ ការផ្អាកកំប្លែងមួយរយៈដោយសារតែ នាយ ចង់ពង្រឹងនិងផ្ដោតសំខាន់ទៅលើវិស័យចម្រៀងនៅផលិតកម្មសាន់ដេ តែមួយមុខប៉ុណ្ណោះ ក្នុងគោលបំណងរិះរកបទចម្រៀង និងក្បាច់រាំថ្មីៗ ហើយប្លែកជូនដល់ពុកម៉ែបងប្អូនដែលគាំទ្រខ្លួននាពេលកន្លងមក។

មួយវិញទៀត នាយ ចង់បញ្ជាក់ប្រាប់ទៅមហាជនថា ការផ្អាកពីអាជីពជាអ្នកកំប្លែងមួយរយៈនេះ មិនបានន័យថាភ្លេចកំណើតខ្លួននៅក្នុងក្រុម ពែកមី ឬ ទូរទស្សន៍ CTN នោះទេ ហើយការឈប់នេះក៏មិនឈប់ជារហូតដែរថ្ងៃណាមួយពេលវេលាអំណោយផល នឹងចូលកំប្លែងវិញជាក់ជាពុំខាន់។

“ បាទមានអ្នកខ្លះគាត់និយាយថាខ្ញុំបានល្បីភ្លេចកំណើតខ្លួនឯង តែខ្ញុំមិនដែលភ្លេចទេបង កន្លែងណាដែលផ្ដល់កំណើតឲ្យខ្ញុំ រូបខ្ញុំចង់ចាំជានិច្ច ហើយថ្ងៃណាមួយខ្ញុំនឹងចូលវិញ គ្រាន់តែថាពេលនេះចង់ពង្រឹងបទចម្រៀងខ្ញុំនៅសាន់ដេសិន"។ នាយ ចឺម រៀបរាប់៕

រឿងរ៉ាវពាក់ព័ន្ទ នាយ ចឺម

២ចំណុច នាយ ចឺម សង្ឃឹមអាចជំនួសតំណែង ខេមរៈ សិរីមន្ត នៅសាន់ដេ

អត្ថបទ៖ ឆុង ស៊ីណាន