ទីក្រុងពេញនិយមទាំង១០ អាចមានគ្រោះថ្នាក់សម្រាប់អ្នកទេសចរ

2017-11-17 08:22:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតណាស់ អ្នកអាចនឹងត្រូវគេលួចកាបូប ឬពុលចំណីអាហារបានគ្រប់ទីកន្លែងនៅពេលដែលអ្នកចេញទៅដើរលេងក្រៅប្រទេស ប៉ុន្តែមានកន្លែងមួយចំនួនដែលអ្នកត្រូវប្រុងប្រយ័ត្នឲ្យបានខ្ពស់ជាងកន្លែងធម្មតា។

ខាងក្រោមនេះគឺជាទីក្រុងទាំង ១០ ដែលអ្នកត្រូវប្រុងប្រយ័ត្នឲ្យបានខ្ពស់ បើមិនដូច្នោះទេអ្នកនឹងអាចមានគ្រោះថ្នាក់ជាមិនខាន ៖

១. ទីក្រុង បាសេឡូណា ប្រទេសអេស្ប៉ាញ

ទីក្រុងបាសេឡូណាត្រូវបានគេស្គាល់ថាជាទីក្រុងដែលសម្បូរទៅដោយចោរលូកហោប៉ៅច្រើនបំផុតផុតបន្ទាប់ពីទីក្រុង: រ៉ូម(អ៊ីតាលី) Prague(ឆេក) និង ប៉ារីស(បារាំង) ។ ចោរលួចភាគច្រើនគឺនៅតាមដងផ្លូវ La Rambla ទីក្រុងបាសេឡូណា។ ក្រៅពីនេះពួកគេក៏អាចលួចលុយឬវត្ថុមានតម្លៃរបស់អ្នកនៅតាមឆ្នេរសមុទ្រ មធ្យោបាយធ្វើដំណើរសាធារណៈ និងសូម្បីតែបន្ទប់សណ្ឋាគាររបស់អ្នកបានផងដែរ។

២. ទីក្រុង Cairo ប្រទេសអេហ្ស៊ីប

ទីក្រុង Cairo ជាទីក្រុងមួយដែលមានគ្រោះថ្នាក់បំផុត តាមការសិក្សាមួយបានបង្ហាញថា ស្ត្រីត្រូវបានរំលោភបំពានផ្លូវភេទជាច្រើនករណី។ ចំណែកឯស្ថានការណ៍នយោបាយក្នុងប្រទេសនេះក៏មិនមានស្ថិរភាពដែរ ហើយអាចកើតមានហិង្សាជាញឹកញាប់។ ជាចុងក្រោយ ទីក្រុងនេះសម្បូរការបោកប្រាស់ ឧទាហរណ៍ដូចជាគេប្រាប់អ្នកថាការជិះអូដ្ឋមានតម្លៃ ៥ដុល្លារ ប៉ុន្តែនៅពេលដែលអ្នកចុះពីអូដ្ឋគេទារអ្នក ៥០ដុល្លារ។

៣. ទីក្រុង ប៉ាតាយ៉ា ប្រទេសថៃ

ទីក្រុងប៉ាតាយ៉ាត្រូវបានទទួលស្គាល់ថាសម្បូរអាហារតាមផ្លូវ ប៉ុន្តែអ្នកមិនបានដឹងទេថាអាហារទាំងនោះគ្មានអនាម័យនិងអាចធ្វើអោយអ្នកពុលអាហារភាគច្រើនជាគ្រឿងសមុទ្រ និងសូម្បីតែសាច់ជាដើម។ អ្នកនៅក្នុងតំបន់បរិភោគអាហារទាំងអស់ជាមួយគ្រឿងទេសជាច្រើនដើម្បីសម្លាប់មេរោគ ដូច្នេះដើម្បីមានសុវត្ថិភាពអ្នកគួរតែបរិភោគឲ្យដូចអ្នកក្នុងតំបន់។

៤. ទីក្រុង Johannesburg ប្រទេសអាហ្វ្រិកខាងត្បូង

ទីក្រុង Johannesburg ជាទីក្រុងដែលពោរពេញទៅដោយការរើសអើង។ ប្រសិនបើអ្នកជាជនជាតិស្បែកស អ្នកគួរតែរកតាក់ស៊ីសម្រាប់អ្នកស្បែកសជិះ បើមិនដូច្នោះទេ មនុស្សគ្រប់គ្នានឹងសម្លឹងមើលមកអ្នក ដោយសារនៅទីនេះមិនសូវមានអ្នកដើរទេ ដូចបង្ហាញក្នុងរូបភាពស្រាប់។

៥. ទីក្រុង Naples ប្រទេសអ៊ីតាលី

ទីក្រុង Naples ជាទីក្រុងសម្បូរចោរលូកហោប៉ៅ និងចោរឆក់ ដែលអាចកើតឡើងគ្រប់ទីកន្លែងក្នុងទីក្រុង។ លើសពីនេះទៀត អ្នកនៅក្នុងតំបន់ក៏មានល្បិចច្រើនផងដែរ ពួកគេធ្វើជាជូតសម្អាតឡានរបស់អ្នក បន្ទាប់មកក៏ទារលុយពីអ្នក។

៦. ទីក្រុង Tijuana ប្រទេសម៉ិកស៊ីកូ

ទីក្រុង Tijuana ស្ថិតនៅលើព្រំប្រទល់រវាងប្រទេសម៉ិកស៊ីកូនិងអាមេរិកដែលធ្វើអោយប្រជាជនអាមេរិកពេញនិយមមកទីនេះសម្រាកថ្ងៃចុងសប្ដាហ៍។ ប៉ុន្តែវាមិនមែនមានតែអ្នកទេសចរដែលមកលេងនោះទេ ជនល្មើសជាច្រើនក៏បានមកពីសហរដ្ឋអាមេរិកហើយវាជាចំណុចឆ្លងកាត់សម្រាប់អ្នកលក់គ្រឿងញៀនផងដែរ។

៧. ទីក្រុង Mumbai ប្រទេសឥណ្ឌា

អ្នកទេសចរដែលមកលេង Mumbai ភាគច្រើនត្រូវបានឡោមព័ទ្ធដោយក្រុមអ្នកសុំទាន។ ហើយមានអ្នកខ្លះទៀតបន្លំខ្លួនជា Yogis (អ្នកត្រាស់ដឹង) ដើម្បីលួចលុយពីអ្នកទេសចរ។ ប្រទេសឥណ្ឌាក៏ល្បីល្បាញផងដែរចំពោះការវាយប្រហារទៅលើស្ត្រី។ លើសពីនេះទៀត តំបន់នេះគឺជាតំបន់ក្ដៅនិងកខ្វក់ ដែលអាចធ្វើឲ្យអ្នកឈឺ និងពុលចំណីអាហារបានយ៉ាងងាយ។

៨. ទីក្រុង Rio de Janeiro ប្រទេសប្រេស៊ីល

សង្កាត់ Santa Teresa ក្នុងទីក្រុង Rio de Janeiro ជាតំបន់ដែលគ្រោះថ្នាក់បំផុតមួយ ដែលអ្នកមិនគួរសម្ញែងកាមេរ៉ា និងទូរសព្ទនោះទេ ព្រោះចោរខ្លះនៅទីនេះអាចនឹងមានកាំបិត។ ជាការពិតណាស់អ្នកមិនគួរដើរតែឯងនៅពេលយប់ទេ តែប្រសិនបើអ្នកចង់ទៅតំបន់អ្នកក្រីក្ររស់នៅ អ្នកគួរតែមានអ្នកនាំផ្លូវទៅជាមួយ។

៩. ទីក្រុង ប៉ារីស ប្រទេសបារាំង

ប៉ារីសមិនមែនជាទីក្រុងមានសុវត្ថិភាពដូចការគិតរបស់អ្នកនោះទេ ដោយសារតែទីនេះប្រមូលផ្ដុំទៅដោយចោរលូកហោប៉ៅ ក្រុមអ្នកសុំទាន និងអ្នកលក់ដូរបោកប្រាស់តាមផ្លូវដែលបង្ខំឲ្យអ្នកទិញរបស់មិនត្រូវការ។ ដំណោះស្រាយដ៏ល្អបំផុតនោះគឺអ្នកមិនត្រូវនិយាយរកពួកគេទេ។

១០. ទីក្រុង ឌូបៃ ប្រទេសអារ៉ាប់រួម

ទោះបីជា ឌូបៃ ជាទីក្រុងដែលទំនើបជាងទីក្រុងមូស្លីមផ្សេង តែអ្នកគួរតែចាំថានៅទីនោះមានរបៀបស្លៀកពាក់សម្រាប់ស្ត្រី។ ដើម្បីជៀសវាងការសម្លឹងមើលមកអ្នក ឬក៏អាចឈានដល់ការបំពានផ្លូវភេទ អ្នកគួរតែស្លៀកពាក់ឲ្យជិតៗខ្លួន។ ក្រៅពីនេះ អ្នកអាចលំហែកាយបានក្នុងទីធ្លាសណ្ឋាគារ ដូចនេះអ្នកនឹងមានសុវត្ថិភាព៕

ប្រភព៖ Brightside ប្រែសម្រួល៖ សុភារ័ត្ន

ពាក្យទាក់ទង

យល់ដឹង

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

ឥទ្ធិពលបទចម្រៀងថ្មីរបស់ Taylor ធ្វើឱ្យគូជម្លោះ Kim Kardashian ធ្លាក់ Follower រាប់សែននាក់

អត្ថបទថ្មី

គ្រូ Man Utd អាចនឹងកាត់ប្រាក់ខែ ប្រសិនបើក្លឹបអត់បានលេង UCL រដូវកាលក្រោយ

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អស់ការអត់ធ្មត់! ណូយ វ៉ាន់ណេត ឲ្យមេធាវីសហការជាមួយមន្ដ្រីក្រសួងមហាផ្ទៃ ចាត់ការអ្នកប្រមាថជីវិតលោក