Toshiba កំពុងពិភាក្សាលក់អាជីវកម្មកុំព្យូទ័រទៅឱ្យ Asus

2017-11-17 13:47:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនជប៉ុន Toshiba Corp បានចរចាជាមួយក្រុមហ៊ុនតៃវ៉ាន់ Asustek Computer Inc ដើម្បីលក់អាជីវកម្មកុំព្យូទ័ររបស់ខ្លួន ។ នេះបើយោងតាមកាសែតជប៉ុន Nikkei រាយការណ៍ឱ្យដឹងនៅថ្ងៃសុក្រនេះ ។

ការលក់អាជីវកម្មកុំព្យូទ័រ PC នេះគឺជាផ្នែកនៃផែនការស្ដារមុខមាត់ឡើងវិញដ៏ធំមួយរបស់ Toshiba ខណៈខ្លួនបានព្យាយាមបំពេញរាល់ការខាតបង់លុយទ្រង់ទ្រាយធំក្នុងប្រតិបត្តិការអាជីវកម្មរោងចក្រនុយក្លេអ៊ែរនៅអាមេរិក ។ បច្ចុប្បន្ន Asus គឺជាក្រុមហ៊ុនតូចមួយប្រតិបត្តិការលក់ PC លើទីផ្សារដោយសង្ឃឹមថានឹងចាប់ដៃជាមួយ Toshiba ដែលមានទីផ្សាររឹងមាំក្នុងទឹកដីអាមេរិកនិងអឺរ៉ុបស្រាប់ដូច្នេះងាយស្រួលពង្រីកខ្លួន ។ ដោយឡែកក្រុមហ៊ុនចិន Lenovo Group ក៏បានចាប់ចិត្តជាមួយក្រុមហ៊ុនជប៉ុនដែរតែការពិភាក្សាដូចជាមិនអំណោយផលសោះ ។

ក្រុមហ៊ុន Toshibaបានឈានដល់កិច្ចព្រមព្រៀងមួយកាលពីខែកញ្ញាដើម្បីលក់អាជីវកម្មអង្គចងចាំម៉េម៉ូរីទៅឱ្យក្រុមហ៊ុនសម្ព័ន្ធជប៉ុន-អាមេរិក-កូរ៉េខាងត្បូង ហើយកាលពីថ្ងៃអង្គារថ្មីៗនេះ Toshibaបានប្រកាសលក់អាជីវកម្មទូរទស្សន៍ទៅឱ្យក្រុមហ៊ុនចិន Hisense Electric ។

គួររំឭកថា អាជីវកម្ម PC របស់ Toshiba បានធ្លាក់ចុះប្រមាណ ៥០០ លានយ៉េនលើការលក់តម្លៃ ១៩១,៨ លានយ៉េនក្នុងឆ្នាំនេះដែលបញ្ចប់ទៅកាលពីថ្ងៃទី៣១មិនា ។ ការខាតបង់ត្រូវគេរំពឹងថានឹងធ្លាក់ចុះរហូតដល់ ៥ ប៊ីលានយ៉េនសម្រាប់ឆ្នាំសារពើពន្ធ ២០១៧ ព្រោះការលក់បន្តដាំក្បាលចុះ ។

ក្រុមហ៊ុន Toshiba បានលក់ PC ចំនួន ១,៨ លានគ្រឿងរៀងរាល់ឆ្នាំ ដោយមានចំណែកទីផ្សារជាសកលត្រឹមតែ ១% តែប៉ុណ្ណោះខណៈអតិថិជនបានប្ដូរទៅប្រើផលិតផលរបស់ក្រុមហ៊ុន HP និង Lenovo វិញម្តង ។ ទន្ទឹមគ្នានេះដែរដៃគូផលិតក្នុងស្រុកដូចជាក្រុមហ៊ុន NEC និង Fujitsu សុទ្ធតែបានលក់អាជីវកម្មរបស់ពួកគេទៅឱ្យ Lenovo ៕

ប្រភព៖ Asia.Nikkei ប្រែសម្រួល៖ សិរីបុទ្រ

ពាក្យទាក់ទង

ព័ត៌មានពី Asus

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024