Willian សារភាពថា Chelsea ពិបាករក្សាពាន PL រដូវកាលនេះ
- 2017-11-17 14:01:08
- ចំនួនមតិ 0 | ចំនួនចែករំលែក 0
Willian សារភាពថា Chelsea ពិបាករក្សាពាន PL រដូវកាលនេះ
ចន្លោះមិនឃើញ
ខ្សែប្រយុទ្ធស្លាប Willian ក្នុងថ្ងៃនេះបាននិយាយថា ក្លឹបតោខៀវមានការលំបាកក្នុងការពារតំណែងជើងឯកលីគកំពូលអង់គ្លេសក្នុងរដូវកាលនេះ។
កីឡាករសញ្ជាតិប្រេស៊ីលបានថ្លែងប្រាប់ Football Focus របស់ BBC ថា៖ "វាពិតជាលំបាកណាស់ ក្នុងការលេងក្នុងឋានៈជាជើងឯកកាលពីរដូវកាលមុន។ វាជារឿងពិបាកណាស់ក្នុងការការពារតំណែងមួយនេះ នៅពេលដែលគ្រប់ក្រុមទាំងអស់សុទ្ធតែចង់ឈ្នះ Chelsea"។ ខ្សែស្លាបរត់លឿនរូបនេះ បានបន្តទៀតថា៖ "អ្វីជារឿងលំបាកមួយទៀតនោះ គឺថា ក្លឹប Manchester City កំពុងតែលេងបានល្អខ្លាំងណាស់ ប៉ុន្តែទោះជាយ៉ាងនេះក្ដី ខ្ញុំគិតថា យើងនៅតែខំប្រឹងប្រែងរហូតដល់ទីបញ្ចប់អ៊ីចឹងដើម្បីឈ្នះពានមួយនេះ"។
សូមបញ្ជាក់ផងដែរថា កាលពីរដូវកាលមុន លោក Antonio Conte បានជួយឲ្យក្លឹបតោខៀវ Chelsea លើកពានលីគកំពូលអង់គ្លេស ក្នុងរដូវកាលដំបូងរបស់ខ្លួន។ ទោះជាយ៉ាងណា ក្នុងរដូវកាលថ្មីនេះ Chelsea បានចាញ់បីលើករួចបាត់ទៅហើយ ក្នុងការប្រកួត ១១លើកដំបូងរបស់ខ្លួនក្នុងលីគ ធ្វើឲ្យក្លឹបមួយនេះនាពេលបច្ចុប្បន្នឈរលេខ ៤ មាន ២២ ពិន្ទុ ពោលគឺ៩ ពិន្ទុពីក្រោយ Manchester City ដែលកំពុងឈរកំពូលតារាង៕