ច្បាប់ន័រវែសផាកតាមទ្រព្យ ធ្វើឲ្យមហាសេដ្ឋីអស់ ៣ម៉ឺនដុល្លារ ព្រោះបើកបរពេលស្រវឹង
- 2017-11-18 03:46:59
- ចំនួនមតិ 0 | ចំនួនចែករំលែក 0
ច្បាប់ន័រវែសផាកតាមទ្រព្យ ធ្វើឲ្យមហាសេដ្ឋីអស់ ៣ម៉ឺនដុល្លារ ព្រោះបើកបរពេលស្រវឹង
ចន្លោះមិនឃើញ
មហាសេដ្ឋីវ័យក្មេងបំផុតលំដាប់ទី២ លើលោក បានរងការផាកពិន័យប្រមាណ ៣ម៉ឺនដុល្លារ ដោយសារតែបើកបរបន្ទាប់ពីទទួលទានគ្រឿងស្រវឹង។ ការផាកពិន័យច្រើនបែបនេះ គឺដោយសារច្បាប់ប្រទេសន័រវែស ផាកពិន័យតាមទំហំទ្រព្យសម្បត្តិ។
មហាសេដ្ឋីវ័យ ២២ឆ្នាំ Katharina Andresen អាចមានទ្រព្យសម្បត្តិប្រមាណ ១,២៣ប៊ីលានដុល្លារ ដែលទទួលបានពីឪពុក។ តាមច្បាប់ប្រទេសន័រវែស ដែលផាកពិន័យតាមទំហំទ្រព្យសម្បត្តិ Katharina Andresen អាចនឹងត្រូវផាកជិត ៥លានដុល្លារឯណោះ។ ប៉ុន្តែដោយសារទ្រព្យសម្បត្តិរបស់នាង ជាភាគហ៊ុនដែលចែកពីឪពុក ហើយនាងមិនមានចំណូលច្បាស់លាស់ ទើបអាជ្ញាធរសម្រេចទម្លាក់នៅត្រឹមប្រមាណ ៣ម៉ឺនដុល្លារ។
នាង Katharina Andresen បានទទួលទានជាតិអាល់កុល ៣ដងលើសច្បាប់កំណត់។ ក្រៅពីការផាកពិន័យ មហាសេដ្ឋីវ័យក្មេងរូបនេះ ត្រូវបានហាមឃាត់ មិនឲ្យបើកបររយៈពេល ១៣ខែ និងទោសជាប់ពន្ធនាគារ ៣សប្ដាហ៍ តែតុលាការសម្រេចអនុញ្ញាតឲ្យព្យួរទោស។ នាង Katharina ផ្ទាល់ ក៏បានទទួលស្គាល់នូវកំហុសនេះដែរ។
កាលពីឆ្នាំ២០០៥ ស្ត្រីន័រវែសម្នាក់ ក៏បានរងការផាកពិន័យជាង ៥ម៉ឺនដុល្លារ ដោយសារបើកបរក្នុងស្ថានភាពស្រវឹង និងអនុវត្តការផាកពិន័យតាមទ្រព្យសម្បត្តិនេះដែរ ហើយនោះជាការផាកពិន័យច្រើនបំផុតមិនធ្លាប់មាននៅន័រវែស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
