ទិដ្ឋភាពគួរថតទាំង១០ កុំរំលងក្នុងពិធីអាពាហ៍ពិពាហ៍

2017-11-18 04:06:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីអាពាហ៍ពិពាហ៍ ការផ្ដិតយករូបភាព Subject ដែលសំខាន់រួមមាន កូនកំលោះ កូនក្រមុំ អ្នកកំដរ ក្រុមគ្រួសារសងខាង ភ្ញៀវចូលរួម និងការតុបតែងលម្អ ដែលអ្នកគួរផ្ដិតយកបានច្រើនផ្នែក ព្រោះពិធីនេះមិនមានច្រើនដងលើបុគ្គលម្នាក់នោះទេ។ ដូច្នេះអ្នកអាចពិនិត្យមើលចំណុចខាងក្រោម ជាយោបល់លើទិដ្ឋភាពគួរផ្ដិតជាអនុស្សាវរីយ៍៖

១. ត្រៀមខ្លួនការថតរូបកូនកំលោះ កូនក្រមុំ

អ្នកអាចថតនូវទិដ្ឋភាពនៅខាងក្រោយ ពេលកូនកំលោះ និងកូនក្រមុំ រៀបចំខ្លួន ជាមួយនឹងអារម្មណ៍ដ៏រំភើបរបស់ពួកគេក្នុងថ្ងៃដំបូង សម្រាប់រស់នៅជាមួយគ្នា។

រូបតំណាង

**២. សំលៀកបំពាក់អាពាហ៍ពិពាហ៍**

អ្នកអាចថតរូបសំលៀកបំពាក់អាពាហ៍ពិពាហ៍ ពេលកូនក្រមុំ និងកូនកំលោះ កំពុងរៀបចំខ្លួន ពេលសំលៀកបំពាក់ស្ថិតនៅក្បែរនឹងកញ្ចក់ ឬភ្ជួរនៅទីកន្លែងណាមួយ។

៣. រូបភាពកូនកំលោះ កូនក្រមុំ ជាមួយនឹងអ្នកកំដរ

មិត្តភាពនៅតែបន្ត ក្រោយពេលរៀបអាពាហ៍ពិពាហ៍សម្រាប់វេលាជួបជុំគ្នា។ អ្នកគួរថតរូបកូនកំលោះ និងកូនក្រមុំ ជាមួយនឹងអ្នកកំដរ សងខាង ក្នុងការបង្ហាញពីភាពសប្បាយរីករាយ ការអបអរសាទរ ដែលជាអនុស្សាវរីយ៍មិនអាចបំភ្លេចបាន ដោយឲ្យពួកគាត់ជជែកគ្នា ឬលេងសើចតាមលក្ខណៈធម្មជាតិ។

រូបតំណាង

៤. ពេលកូនកំលោះ កូនក្រមុំនាំគ្នាចេញមក

អ្នកគួរត្រៀមកាមេរ៉ារួចរាល់ ពេលកូនកំលោះ កូនក្រមុំកាន់ដៃគ្នាចេញមកក្រៅ ក្នុងការផ្ដិតយក។

៥. ថើប

ការថើបបង្ហាញពីក្ដីស្រលាញ់ ចំពោះគូរស្វាមីថ្មី ដែលក្នុងពិធីមង្គលតែងតែជំរុញពួកគាត់ឲ្យថើបគ្នា ដូច្នេះការបង្ហាញទិដ្ឋភាពបែបនេះ មិនមែនមានច្រើនដងនោះទេ។ ដូចនេះ អ្នកគួរត្រៀមកាមេរ៉ា និងថ្មប្រើគ្រប់គ្រាន់ក្នុងការចាប់យកទិដ្ឋភាពបែបនេះ។

រូបតំណាង

៦. ទិដ្ឋភាពគូស្វាមីថ្មី

អ្នកគួរថតរូបគូស្វាមីថ្មីជាមួយនឹងទិដ្ឋភាពធម្មជាតិ ផ្ទៃខាងក្រោយ ដោយពេលមានពន្លឺថ្ងៃ ឬបរិវេណពេលថ្ងៃលិច។ អ្នកអាចកាត់តពេលក្រោយ សម្រាប់កែតម្រូវ និងបន្ថែម Effect ខ្លះៗ ជួយដល់ទិដ្ឋភាពឲ្យកាន់តែស្រស់ស្អាត។

៧. ការថតរូបក្រុមគ្រួសារ

អ្នកគួរផ្ដិតយករូបភាពក្រុមគ្រួសារខាងប្រុសមួយផ្នែក ខាងស្រីមួយផ្នែក និងក្រុមគ្រួសារធំរវាងខាងប្រុស និងខាងស្រី ដើម្បីបង្ហាញពីការអបអរសាទរ និងដឹងលឺ សម្រាប់គូស្វាមីថ្មីនេះ។ ម្យ៉ាងទៀត ការថតរូបអ្នកគួរពិនិត្យមើល ក្រោយចុចថត ដើម្បីប្រាកដថា គ្រប់គ្នាមិនបានបិទភ្នែក។

រូបតំណាង

៨. ការថតរូបផ្នែកផ្សេងៗលម្អិត

អ្នកគួរផ្ដិតយករូបភាពនានា រួមមានចិញ្ចៀន ស្បែកជើង គ្រឿងអលង្ការ ការរៀបចំតុ ការតុបតែងខាងក្រៅ ម្ហូប ភេសជ្ជៈ រូបភាពពេញនៃទីតាំង និងរូបភាពនានាមួយៗស្រស់ស្អាតដទៃ កំឡុងពេលពិធី ដែលជាគ្រឿងផ្សំបន្ថែមសម្រាប់ពិធីមង្គលការ។

រូបតំណាង

៩. ការរាំ

រាល់ពិធីមង្គលការតែងតែមានការរាំ ពេលយប់ក្រោយកាត់នំ ឬផ្លែឈើ ដូច្នេះអ្នកគួរផ្ដិតយករូបភាពកូនកំលោះ កូនក្រមុំរាំជាមួយគ្នា ម្យ៉ាងទៀត គួរជ្រើសរើសមុំ ឲ្យបានល្អសម្រាប់រូបភាពពួកគាត់។

រូបតំណាង

១០. ពិធីជប់លៀង

អ្នកគួរផ្ដិតយករូបភាពភ្ញៀវចូលរួមពិធី ពេលពួកគាត់បរិភោគអាហារ និងការបង្ហាញភាពសប្បាយពេលជួបអ្នកស្គាល់ ក្នុងតុជាមួយ ឬនៅជិត។ ម្យ៉ាងទៀត រូបភាពកូនកំលោះ កូនក្រមុំពេលរាក់ទាក់ភ្ញៀវក៏សំខាន់ដែរ ដែលគួរផ្ដិតយក៕