រាជបុត្រកំណាត់ជជុះ ម៉ាដូណា ត្អូញត្អែររឿងចំណូលប្រចាំខែ

2017-11-18 04:54:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ ម៉ាដូណា មិនសូវលេចមុខក្នុងខ្សែភាពយន្តភាគ និងខ្នាតធំប៉ុន្មានឡើយ ដោយសារតែចរចាមិនត្រូវតម្លៃគ្នាជាមួយផលិតករ ទើបធ្វើឲ្យចំណូលលោកធ្លាក់ចុះទៅតាមហ្នឹងដែរ។

តារាពហុជំនាញ ម៉ាដូណា បានរៀបរាប់ថា សព្វថ្ងៃនេះប្រាក់ចំណូលលោករកបានពីការច្រៀង និងសម្ដែង Show នៅតាមកម្មវិធីផ្សេងៗក្នុងមួយខែអាចរកបានចន្លោះពី ២០០០ ទៅ ២៥០០ ដុល្លារអាមេរិក តែប៉ុណ្ណោះ។ ចំណូលទាំងអស់នេះត្រូវយកមកផ្គត់ផ្គង់គ្រួសារទាំងមូល បូករួមទាំងការចាយវាយប្រចាំថ្ងៃរបស់ខ្លួនផងដែរ។

តែបើមានថតរឿងប្រាក់ចំណូលអាចរកបានលើសហ្នឹង ព្រោះក្នុងមួយរឿងលោកទទួលបានតម្លៃខ្លួន ៣០០០ ដុល្លារអាមេរិកសម្រាប់រយៈពេល៣ ខែ បើថតគិតជាថ្ងៃវិញក្នុង១ថ្ងៃស៊ីថ្លៃ ២០០ ដុល្លារអាមេរិក ឡើងទៅ។

“តែគួរឲ្យស្ដាយមួយរយៈនេះខ្ញុំអត់សូវបានថតរឿងទេ មានផលិតកម្មច្រើនណាស់ទាក់ទងឲ្យខ្ញុំថតរឿងដែរ តែចរចាតម្លៃគ្នាអត់ត្រូវហ្មង ព្រោះគាត់ឲ្យតម្លៃខ្ញុំទាបជាងអ្វីដែលខ្ញុំចង់បានទើបសម្រេចចិត្តថាអត់ថត តែម្ដងទៅ"។ ម៉ាដូណា និយាយ។