អត់លុយសងធនាគារ ទូរសព្ទទៅប៉ូលិសថាមានគេបង្កៃគ្រាប់បែក ដើម្បីឲ្យធនាគារបិទទ្វារអត់ធ្វើការ

2017-11-18 06:19:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីម្នាក់បានទូរសព្ទទៅប៉ូលិសដោយនិយាយកុហកថា មានគ្រាប់បែកបង្កប់នៅសាខាធនាគារ HSBCក្នុងសង្កាត់Walthamstow ក្នុងទីក្រុងឡុង ប្រទេសអង់គ្លេស ដោយសង្ឃឹមថានឹងអាចគេចពីបំណុលដែលនាងត្រូវដល់ថ្ងៃសងធនាគារ នូវទឹកប្រាក់ ២០ ០០០ ផោន (ប្រហែល ២៦ ០០០ ដុល្លារ)។

ស្ត្រីវ័យ ៥១ ឆ្នាំ ឈ្មោះ Roseane Craig បានទូរសព្ទទៅប៉ូលិសពីការិយាល័យធ្វើការរបស់នាង អំពីហេតុការណ៍បំផ្ទុះគ្រាប់បែកនេះ។ បន្ទាប់ពីធ្វើការឆែកឆេរអស់ជាង២០នាទី ប៉ូលិសសន្និដ្ឋានថា វាជាការប្រាប់ព័ត៌មានកុហក។ អ្នកគ្រប់គ្រងធនាគារបានប្រាប់ប៉ូលិសថា លោកបានឲ្យបុគ្គលិកដាក់ការប្រុងប្រយ័ត្នខ្ពស់បំផុត និង សម្រាកពេញមួយថ្ងៃ។

ការហៅនេះត្រូវបានប៉ូលិសរកឃើញថាចេញមកពីកន្លែងធ្វើការរបស់ Craig ហើយប៉ូលិសបានទៅដល់ទីនោះ។ រាល់សំនួរទាំងអស់របស់ប៉ូលិស នាងឆ្លើយថា "គ្មានយោបល់"។ ហេតុការណ៍បានកើតឡើងតាំងពីខែមករា ឆ្នាំ២០១៦ ហើយតុលាការទើបកាត់ទោសនាងនៅឆ្នាំ២០១៧ នេះ។

Roseane Craig

មេធាវីការពារក្តីរបស់ Craig ឈ្មោះ Michael Smith បាននិយាយថាតាមរយៈសកម្មភាពនេះ កូនក្ដីរបស់គាត់ត្រូវតែកាត់ទោសភ្លាមៗនឹងបញ្ជូនទៅពន្ធនាគារ ប៉ុន្តែដោយផ្អែកលើមូលដ្ឋានផលវិបាកខាងផ្លូវចិត្តមិនអាចរកលុយភ្លាមៗដើម្បីសងធនាគារ មេធាវីរូបនោះបានសុំឲ្យចៅក្រមចាត់ទុកថាវាជាករណីពិសេស។

អ្នកស្រី Craig ជាមនុស្សឆ្លាតវៃម្នាក់ បានបញ្ចប់សញ្ញាប័ត្រពីសាលា ហើយគាត់ដឹងថា ធ្វើបែបនេះក៏វាគ្មានផលចំណេញអ្វីដែរ ព្រោះថាបើធនាគារបិទទ្វារថ្ងៃ ស្អែកគេនៅតែធ្វើការធម្មតា អ្នកស្រីនៅតែមានកាតព្វកិច្ចសងលុយជំពាក់ ប៉ុន្តែពេលនោះអ្នកស្រីគិតមិនដល់ចំណុចនេះទេ។ មេធាវីបន្ត។

យ៉ាងណាក្តី តុលាការបានសម្រេចចិត្តដាក់ពន្ធនាគារអ្នកស្រីរយៈពេល៨ខែ ប៉ុន្តែអនុញ្ញាតឲ្យព្យួរទោស (មានទោសប៉ុន្តែអនុញ្ញាតឲ្យនៅក្រៅឃុំ) ដោយយោលលើសំបុត្រពេទ្យដែលបញ្ជាក់ថាអ្នកស្រីពិតជាមានបញ្ហាផ្លូវចិត្តមែន។ ប៉ុន្តែអ្នកស្រី Craig ត្រូវធ្វើការសហគមន៍រយៈពេល៦០ថ្ងៃ ហើយបើអ្នកស្រីមិនរាងចាល ហើយប្រព្រឹត្តបទល្មើសណាមួយ នោះតុលាការនឹងបញ្ជូនទៅពន្ធនាគារភ្លាម ព្រោះកន្លងមកអ្នកស្រីបានប្រព្រឹត្តខុស ៤៩ លើក និង ត្រូវបានកាត់ទោស ១១លើក។ ប្រភពខាងលើបន្ត៕

ប្រភព៖ Mirror ប្រែសម្រួល៖ សុខ លាងហ៊ត

ពាក្យទាក់ទង

សង្គមប្លែកៗ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

រំភើបណាស់! មាស២គីឡូក្រាម កំពុងរងចាំជម្រើសជាតិបាល់ទះកម្ពុជាឈ្នះព្រឹត្តិការណ៍មួយនេះ

ឆ្ងល់ទេ! ហេតុអ្វីបើកឡានលេខអូតូ គេឱ្យប្រើតែជើងមួយ?

អត្ថបទថ្មី

ល្បីថា AC Milan បានសម្រេចដេញគ្រូបង្គោលរបស់ខ្លួននៅចុងរដូវកាលនេះ

ប្រធានក្លឹប Barca ទទូចចង់ឱ្យប្រកួត El Clasico លេងឡើងវិញ

កក្រើកមិនខាន! ក្រុមហ៊ុនម៉ូដែល CIM ប្រកាសរៀបចំកម្មវិធីធំ ៥ ក្នុងពេលតែមួយ

ភេសជ្ជៈប៉ូវកម្លាំងគ្រុឌនាំយកកម្មវិធីប្រកួតរាំដ៏ធំអស្ចារ្យដំបូងគេបង្អស់នៅកម្ពុជា Krud Dance Idols

នៅបរិវេណប្រាសាទបាយ័នស្អែកនេះ នឹងបើកកម្មវិធីសម្តែងក្បាច់គុនសាវលីញ និងគុនល្បុក្កតោ

ក្រុមហ៊ុនមិត្តហ្វូនសាខាក្រុងព្រះសីហនុ បានសហការជាមួយរដ្ឋបាលខេត្ត រៀបចំកម្មវិធីសម្អាតឆ្នេរសមុទ្រ