គ្រូ Chelsea ស្រែក អយុត្តិធម៌ សម្រាប់ក្រុមរបស់ខ្លួនរដូវកាលនេះ
- 2017-11-19 02:12:04
- ចំនួនមតិ 0 | ចំនួនចែករំលែក 0
គ្រូ Chelsea ស្រែក អយុត្តិធម៌ សម្រាប់ក្រុមរបស់ខ្លួនរដូវកាលនេះ
ចន្លោះមិនឃើញ
ត្បិតតែក្រុម Chelsea បានយកឈ្នះលើ West Brom ៤-០ កាលពីយប់មិញមែន ប៉ុន្តែលោក Antonio Conte បែរជាស្រែកតវ៉ាថាមានភាពអយុត្តិធម៌សម្រាប់ក្រុមខ្លួននៅរដូវកាលនេះ។
ការស្រែកនេះ ក្រោយពីលោកគិតថាក្រុម Chelsea មានពេលសម្រាកតិចពេកសម្រាប់ការប្រកួតសំខាន់ តទល់ជាមួយក្រុម Liverpool នៅសប្ដាហ៍ក្រោយ ព្រោះពួកគេមានពេលសម្រាប់តិចជាងក្រហមហង្សក្រហម។ អ្នកចាត់ការសញ្ជាតិអ៊ីតាលី បន្ដថានេះជារឿងដែលអ្នករៀបចំការប្រកួតត្រូវគិតឡើងវិញ ព្រោះការប្រកួតសំខាន់ តម្រូវឱ្យកីឡាករបានសម្រាកច្រើនដែរ។
“យើងនឹងលេងទល់ Qarabag នៅថ្ងៃពុធខាងមុខ ហើយបន្ទាប់មកយើងត្រលប់មកទឹកដីយើងវិញ ម៉ោងប្រហែលជា៥ឬ៦។ ហើយយើងនៅមានការប្រកួតសំខាន់១ទៀតជាមួយ Liverpool នៅថ្ងៃសៅរ៍ទៀត។ តើនេះជារឿងធម្មតាមែនទេ? ខ្ញុំមិនគិតអីចឹងទេ។ យើងមានការប្រកួតសំខាន់២ក្នុង១សប្ដាហ៍ ដែលមិនអាចទុកជើងកីឡាករណាម្នាក់បានឡើយ ខ្ញុំពិតជាសោកស្ដាយចំពោះការរៀបចំបែបនេះខ្លាំងណាស់”។
ក្រោយពីឈ្នះយប់មិញនេះ ក្រុម Chelsea បានឡើងមកលេខ៣វិញហើយក្នុងតារាងលីគកំពូលអង់គ្លេស ដោយមាន២៥ពិន្ទុ តាមពីក្រោយក្រុម Man Utd មាន២៦ពិន្ទុ និងក្រុមកំពូលតារាង Man City មាន៣៤ពិន្ទុ។ ខណៈដែលនៅពាន Champions League វិញ ក្រុម Chelsea ត្រូវការឈ្នះ Qarabag ជាចាំបាច់ ព្រោះរូបគេទើបតែបាន៧ពិន្ទុក្នុងការប្រកួត៤ប្រកួតកន្លងមកប៉ុណ្ណោះ៕