ឆាយាលក្ខណ៍១សន្លឹកនេះ បង្ហាញពីស្នេហាអមតៈរបស់ម្ចាស់ក្សត្រិយ៍អង់គ្លេស

2017-11-19 02:32:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រះឆាយាលក្ខណ៍ប្រវត្តិសាស្ត្រដ៏កម្រក្នុងព្រះរាជវង្សចក្រភពអង់គ្លេសដែលមហាជនមិនងាយបានឃើញត្រូវបានម្ចាស់ក្សត្រិយ៍នៃចក្រភពអង់គ្លេសបានបង្ហោះជាសាធារណៈដើម្បីអបអរខួប៧០ឆ្នាំនៃពិធីរៀបអភិសេករបស់ព្រះអង្គ។

ព្រះម្ចាស់ក្សត្រិយ៍ និងព្រះស្វាមីបច្ចុប្បន្ន

ម្ចាស់ក្សត្រិយ៍ Elizabeth និងព្រះអង្គម្ចាស់ Philip បានរៀបអភិសេកកាលពីថ្ងៃទី២០ ខែវិច្ឆិកា ឆ្នាំ១៩៤៧ដែលពេលនោះម្ចាស់ក្សត្រិយ៍មានព្រះជន្ម២១វស្សា និងព្រះអង្គម្ចាស់ Philip មានព្រះជន្ម២៦វស្សា។ ម្ចាស់ក្សត្រិយ៍បានស្រលាញ់ព្រះអង្គម្ចាស់តាំងពីវ័យ១៣វស្សារហូតដល់វ័យ២១វស្សាទើបអភិសេក។ ថ្ងៃទី២០ ខែវិច្ឆិកា ឆ្នាំ២០១៧នេះគឺជាខួប៧០ឆ្នាំនៃអភិសេករបស់ព្រះអង្គទាំងពីរ។

រហូតដល់ពេលនេះម្ចាស់ក្សត្រី Elizabeth មានព្រះជន្ម៩១វស្សា និងព្រះអង្គម្ចាស់ Philip មានព្រះជន្ម៩៦វស្សា។ ដើម្បីអបអរសាទរខួបលើកទី៧០ឆ្នាំនៃព្រះរាជអភិសេក និងភក្ដីភាពនៃសេចក្ដីស្រលាញ់ជាអមតៈ ម្ចាស់ក្សត្រិយ៍ Elizabeth បានបង្ហោះព្រះរាជឆាយាលក្ខណ៍នៃព្រះរាជអភិសេកដ៏កម្របំផុតក្នុងប្រវត្តិសាស្ត្ររាជវង្សចក្រភពអង់គ្លេសដើម្បីមហាជនបានឃើញ៕