ដំណើរការ GPS លើ iPhone អ្នកប្រើភាគច្រើនមិនដឹងសោះ
- 2017-11-19 02:37:31
- ចំនួនមតិ 0 | ចំនួនចែករំលែក 0
ដំណើរការ GPS លើ iPhone អ្នកប្រើភាគច្រើនមិនដឹងសោះ
ចន្លោះមិនឃើញ
iPhone មាននូវឈីបGPS ដូចនៅក្នុងឧបករណ៍ GPS ដែរ។ iPhone ប្រើឈីប GPS ភ្ជាប់ជាមួយនឹង អង់តែនទូរស័ព្ទ និងបណ្ដាញ Wi-Fi ក្នុងការគណនាទីតាំងរបស់ទូរស័ព្ទ។ យ៉ាងណាមិញ អ្នកមិនត្រូវការដំឡើងឈីប GPS នោះទេ គ្រាន់តែបើកដំណើរការ ឬបិទលើ iPhone តែម្ដង។
#ឈីប GPS
GPS (Global Positioning System) ជាផ្កាយរណបដាក់សំកាំងក្នុងការជួយកំណត់ទីតាំង ដែលមើលការខុសត្រូវដោយ នាយកដ្ឋានការពារសហរដ្ឋអាមេរិក។ GPS ស្វែងរកទីតាំងដោយរលកសញ្ញាផ្កាយរណប យ៉ាងហោចណាស់ ៣ នៃ ៣១ រលកសញ្ញាដែលមាន។ GPS អាចមានបញ្ហារលកសញ្ញា ពេលស្ថិតនៅទីតាំងមានអាគារខ្ពស់ៗ ព្រៃជ្រៅ ជាដើម។ អង់តែនទូរស័ព្ទ និងរលកសញ្ញា Wi-Fi អាចផ្ដល់ប្រយោជន៍ចំពោះ iPhone ក្នុងការចាប់យកទីតាំង ជាងលើឧបករណ៍ GPS។ ល្បីបើ ការបើក GPS ឲ្យដំណើរការមានអត្ថប្រយោជន៍សម្រាប់ស្វែងរកទិសដៅលើកម្មវិធីផែនទី ប៉ុន្តែមានការព្រួយបារម្ភចំពោះព័ត៌មានឯកជនក្នុងការប្រើប្រាស់ ដែលអាចដឹងគ្រប់ពេលថាអ្នកនៅទីណា។ ដូច្នេះ iPhone ផ្ទុកនូវតំបន់មានដែនកំណត់សម្រាប់អ្នកគ្រប់គ្រង។
#ការគ្រប់គ្រងទីតាំង
អ្នកអាចបិទនូវបច្ចេកវិទ្យាវិភាគទីតាំងនេះលើ iPhone ដោយចូលទៅកាន់កម្មវិធី Settings > Privacy រួចបិទនូវ Location Services។ យ៉ាងណាមិញ Apple ណែនាំអ្នក ឲ្យពិនិត្យមើលបញ្ជីកម្មវិធីអេក្រង់ Location Services នៅក្រោម Share My Location ដោយអ្នកអាចកំណត់ Never, While Using ឬ Always សម្រាប់គ្រប់គ្រងការប្រើប្រាស់ទិន្នន័យទីតាំងអ្នកលើកម្មវិធី។
#បច្ចេកវិទ្យាបំពេញបន្ថែមលើ GPS
iPhone មានបច្ចេកវិទ្យាបន្ថែមលើ Board ដែលភ្ជាប់ដំណើរការជាមួយនឹង GPS chip ដើម្បីមានភាពរឹងមាំលើកំណត់ទីតាំងរបស់ទូរស័ព្ទ។
Accelerometer និង Gyroscope ៖ iPhone មាន 6-axis Gyroscope និង Accelerometer chip លើ Board។ Gyroscope ប្រាប់ពីរបៀបទូរស័ព្ទបង្វិលផ្លាស់ប្ដូរទិស។ Accelerometer ពិនិត្យ និងថតនូវចលនាធំ និងតូច ជា Inputs ដែលទូរស័ព្ទអាចប្រើបាន។
Wi-Fi Tracking ៖ ពេល GPS មិនដំណើរការល្អ ដូចជាពេលនៅក្នុងអាគារខ្ពស់ៗ Wi-Fi tracking អាចជំនួសតួនាទីបាន ដោយប្រើនូវ Database នៃបណ្ដាញ Wi-Fi ជុំវិញពិភពលោកក្នុងការកំណត់ទីតាំងទូរស័ព្ទ អាស្រ័យលើរលកសញ្ញា Wi-Fi ជាច្រើន។
Compass ៖ iPhone មាននូវ Compass ជាផ្នែកនៃ Motion-tracking chip ក្នុងការតាមដានចលនា និងទិសលើកម្មវិធីផែនទីណាមួយ អ្នកប្រើប្រាស់។
Barometer ៖ អ្នកប្រហែលជាគិតថា វាប្រើសម្រាប់វាស់សំពាធខ្យល់ តែមិនមែននោះទេ។ Barometer ជួយដល់ GPS chip ក្នុងការវាស់នូវការផ្លាស់ប្ដូរ Elevation (ពិនិត្យមើលភាពលំអៀង) ដើម្បីបង្កើតនូវ Elevation ឲ្យកាន់តែត្រឹមត្រូវ និងពិនិត្យមើលការផ្លាស់ប្ដូរ Elevation។
M10 Motion Coprocessor ៖ ក្នុងទូរស័ព្ទ iPhone Apple ប្រើ M10 motion coprocessor chip ដើម្បីបន្តពិនិត្យទិន្នន័យពី Accelerometer, compass, gyroscope និង Barometer៕