Cellcard ប្រកួតរើសជើងឯកតម្រង់ទិសបាល់ទាត់នៅខេត្តកំពត

2017-11-20 07:35:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតជម្រើសជើងឯកសាលាតម្រង់ទិសកីឡាបាល់ទាត់ ២០១៧ បានបើកជាផ្លូវការនៅកីឡាដ្ឋានខេត្តកំពត កាលពីថ្ងៃទី១៩ វិច្ឆិកា ដែលរៀបចំឡើងដោយសហព័ន្ធកីឡាបាល់ទាត់កម្ពុជា ចាប់ដៃគូជាមួយ Cellcard ព្រមទាំងមានការចូលរួមពីឯកឧត្ដម នាយឧត្ដមសេនីយ៍ សៅ សុខា។

ការប្រកួតដែលមានក្រុម៣២ មកពី ២៥ខេត្តក្រុង សម្រាប់យុវជនអាយុក្រោម ១៤ និង ១៦ឆ្នាំ ហើយមានសរុប ២១ប្រកួតនេះ ធ្វើឡើងដើម្បីផ្សព្វផ្សាយពីកីឡា ផ្ដល់ការហ្វឹកហ្វឺនបាល់ទាត់ ការភ្ជាប់ទំនាក់ទំនងជាមួយសហគមន៍ និងការស្វែងរកតារាបាល់ទាត់ជំនាន់ថ្មីសម្រាប់ការប្រកួតកីឡាស៊ីហ្គេម ២០២៣។

លោក Laszlo Barta នាយកផ្នែកការងារសាធារណៈ Cellcard បានលើកឡើងថា៖ "យើងសង្ឃឹមថា ការចាប់ដៃគូនេះ អាចឲ្យយុវជនកម្ពុជាបង្ហាញពីសមត្ថភាពរបស់ពួកក្នុងការលេងបាល់ទាត់ និងទាក់ទាញការចាប់អារម្មណ៍លើវិស័យកីឡារបស់ពួកគេ ព្រមទាំងសង្ឃឹមថាយុវជនរបស់យើង អាចពង្រឹងសមត្ថភាពមិនចាញ់ប្រទេសជិតខាង"។

ការចាប់ដៃគូសហការលើគម្រោងសាលាតម្រង់ទិសកីឡាបាល់ទាត់ឆ្នាំ២០១៧ នេះ ជាគម្រោងដំបូងសំខាន់នៃទំនួលខុសត្រូវសង្គម (CSR) ដែលបំណងលើកស្ទួយការរស់នៅរបស់ប្រជាជនកម្ពុជាតាមរយៈការអប់រំ សុខភាព និងលំនៅស្ថាន។ ព័ត៌មានបន្ថែម ចូលទៅផេកហ្វេសប៊ុក Cellcard៕