មេ Tesla ជោគជ័យខ្លាំងក្នុងមុខជំនួញតែបរាជ័យរឿងស្នេហា
- 2017-11-20 13:13:30
- ចំនួនមតិ 0 | ចំនួនចែករំលែក 0
មេ Tesla ជោគជ័យខ្លាំងក្នុងមុខជំនួញតែបរាជ័យរឿងស្នេហា
ចន្លោះមិនឃើញ
ចំណងស្នេហ៍របស់ Elon Musk និងអតីតមិត្តស្រីរបស់លោកនាង Amber Heard មិនអាចផ្សះផ្សាវិញឡើយទោះបីជាពួកគេទាំងពីរត្រូវបានគេប្រទះឃើញនៅជាមួយគ្នាកាលពីពេលថ្មីៗនេះក៏ដោយ។
ប្រភពព័ត៌មានឱ្យដឹងថា នាយកប្រតិបត្តិនិងជាស្ថាបនិកក្រុមហ៊ុនផលិតរថយន្ត Tesla វ័យ ៤៦ ឆ្នាំលោក Elon Musk និងតារាសម្ដែងអាមេរិកវ័យ ៣១ ឆ្នាំនាង Amber Heard បានអង្គុយញ៉ាំអាហារជាមួយគ្នាតែពួកគេមិនស្និទ្ធស្នាលនោះទេហើយហាក់បីដូចជាមានកិច្ចសន្ទនាជាមួយគ្នាទៀតផង ។ ពួកគេមិនអាចក្លាយជាគូស្នេហ៍ដ៏ស្អិតល្មួតដូចមុនបានទេតែជំនួសដោយទំនាក់ទំនងមិត្តភ័ក្ដិវិញ ។ Elon Musk បានសារភាពថា រូបលោកជួបរឿងឈឺចាប់ក្រោយបែកបាក់ជាមួយAmber Heard ហើយការឈឺចាប់នេះបានធ្វើឱ្យប៉ះពាល់ដល់សង្វាក់ផលិតកម្មរថយន្ត Telsa Model 3 របស់ក្រុមហ៊ុនលោក។
គួរបញ្ជាក់ថា Amber Heard និង Elon Musk បានបង្កាត់ភ្លើងស្នេហ៍ក្នុងឆ្នាំ ២០១៦ មុនចែកផ្លូវគ្នាដើររៀងៗខ្លួននៅខែសីហា ឆ្នាំ២០១៧ ។ ពួកគេបានសារភាពថាការចែកផ្លូវគ្នាដោយសារតែមមាញឹកនឹងការងារពេក៕