អតីតគ្រូ Liverpool ថា Pogba លេងល្អមិនទាន់ដល់កម្រិត Gerrard នៅឡើយទេ

2017-11-20 13:17:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការក្លឹប Liverpool លោក Rafa Benitez ដែលបច្ចុប្បន្នកំពុងដឹកនាំក្លឹប Newcastle កាលពីពេលថ្មីៗនេះបាននិយាយថា ខ្សែបម្រើ Paul Pogba លេងមិនទាន់ល្អដល់កម្រិត វីរបុរសក្លឹបហង្សក្រហម Steven Gerrard នៅឡើយទេ។

ពេលដែលសួរទាក់ទងនឹង Pogba និង Gerrard លោក Benitez បានឆ្លើយទៅអ្នកសារព័ត៌មានវិញថា៖ "ពួកគេជាប្រភេទកីឡាករខុសគ្នា។ Stevie (ឈ្មោះហៅក្រៅរបស់ Gerrard) ជាកំពូលកីឡាករមួយរូបដែលលេងបានយ៉ាងល្អរយៈពេលជាច្រើនឆ្នាំ។ គេបានបន្តរក្សាទម្រង់លេងដ៏ល្អរបស់គេបានរយៈពេលយ៉ាងជាច្រើនឆ្នាំ និងតែងតែនាំមកនូវភាពខុសប្លែកគ្រប់ការប្រកួត ទោះជាគេគ្មាន ឬមានសាច់បាល់លេងក៏ដោយ"។ អ្នកចាត់ការសញ្ជាតិអេស្ប៉ាញរូបនេះ បានបន្តទៀតថា ៖ "ចំណែក Pogba វិញគឺជាកីឡាករដ៏ល្អមួយរូប ប៉ុន្តែគេត្រូវតែបន្តរក្សាទម្រង់លេងល្អឲ្យបានរយៈពេលជាច្រើនឆ្នាំទៅមុខទៀត ដើម្បីឈានដល់កម្រិតរបស់ Stevie"។

គួរបញ្ជាក់ផងដែរថា កាលពីចុងសប្ដាហ៍កន្លងទៅនេះ បន្ទាប់ពីជារបួសសរសៃពួរវិញ ខ្សែបម្រើ Pogba បានត្រលប់មកជួយក្រុមវិញក្នុងទម្រង់លេងយ៉ាងល្អ ដោយស៊ុតចូលមួយគ្រាប់ និងបញ្ជូនបាល់ឲ្យមិត្តរួមក្រុមស៊ុតចូលមួយគ្រាប់ ក្នុងការប្រកួតដែលបិសាចក្រហម Manchester United ឈ្នះ Newcastle ក្នុងលទ្ធផល ៤ ទល់នឹង ១៕

ប្រភព៖ Sky Sports ប្រែសម្រួល៖ ហ៊ីម រស្មី