អម្រឹត ទទួលវិញ្ញាបនបត្រអនុលោមភាពសារពើពន្ធ ប្រភេទ មាស ពីអគ្គនាយកដ្ឋានពន្ធដារ
- 2017-11-21 06:01:57
- ចំនួនមតិ 0 | ចំនួនចែករំលែក 0
អម្រឹត ទទួលវិញ្ញាបនបត្រអនុលោមភាពសារពើពន្ធ ប្រភេទ មាស ពីអគ្គនាយកដ្ឋានពន្ធដារ
ចន្លោះមិនឃើញ
កាលពីព្រឹកថ្ងៃចន្ទ ទី២០ ខែវិច្ឆិកា ឆ្នាំ២០១៧ គ្រឹះស្ថានមីក្រូហិរញ្ញវត្ថុ អម្រឹត បានទទួល វិញ្ញាបនបត្រ អនុលោមភាពសារពើពន្ធ ប្រភេទ មាស ពីអគ្គនាយកដ្ឋានពន្ធដារ នៃព្រះរាជាណាចក្រកម្ពុជា។ វិញ្ញាបនបត្រនេះគឺចង់បង្ហាញថា គ្រឺះស្ថានមីក្រូហិរញ្ញវត្ថុ អម្រឹត ជាស្ថាបន័ដែលមានទំនួលខុសត្រូវខ្ពស់ទៅលើកាតព្វកិច្ចពន្ធលើប្រាក់ចំណូល។
អម្រឹត គឺជាគ្រឹះស្ថានមីក្រូហិរញ្ញវត្ថុដែលទទួលបានវិញ្ញាបនបត្រ “គោលការណ៍ការពារអតិថិជន” ជាផ្លូវការពី Smart Campaign សម្រាប់ការអនុលោមតាមគោលការណ៍ស្តង់ដារដ៏តឹងរឹងក្នុងកិច្ចការពារអតិថិជន ដែលគម្រោងនេះទទួលបានការគាំទ្រពីមូលនិធិពី ទីភ្នាក់ងារអភិវឌ្ឍន៍អាស៊ី (AFD) ក្រោមគម្រោង “ការការពារអតិថិជន” របស់សមាគមមីក្រូហិរញ្ញវត្ថុកម្ពុជា (CMA)។ គ្រឹះស្ថានមីក្រូហិរញ្ញវត្ថុ អម្រឹត បានប្រកាន់ភ្ជាប់យ៉ាងតឹងរឹងនូវគោលការណ៍ទាំង៧ របស់វិញ្ញាបនបត្រ ក្នុងពេលកន្លងមក ដែលគោលការណ៍ទាំងនោះមានចក្ខុវិស័យក្នុងការជួយលើកកម្ពស់សុខមាលភាពហហរិញ្ញវត្ថុអតិថិជន ប្រកបទៅដោយនិរន្តភាព។
ជាងនេះទៅទៀត អម្រឹត គឺជាគ្រឹះស្ថានមីក្រូហិរញ្ញវត្ថុដែលមានវិនិយោគិនអន្តរជាតិ ដែលជាកម្លាំងចលករដ៏ដ៏រឹងមាំមួយ ដើម្បីជួយជ្រោមជ្រែង អម្រឹត ឲ្យកាន់តែមានកិត្តិនាម និងកិត្យានុភាពរីកសុសសាយនៅលើឆាកអន្តរជាតិផងដែរ។ ជាក់ស្តែង Advans SA គឺជាភាគទុនិកដ៏ធំមួយ ដែលបានវិនិយោគក្នុងគ្រឹះស្ថានមីក្រូហិរញ្ញវត្ថុ អម្រឹត ចំនួន៥២,៧៨% នៃភាគហ៊ុនសរុបរបស់ អម្រឹត។ Advans SA ជាក្រុមហ៊ុនមួយដែលមានការិយាល័យកណ្តាលនៅក្នុងប្រទេសលុចហ្សំបួរ ដែលគ្របដណ្តប់ប្រាំបួនប្រទេសដូចជា ប្រទេសកាមេរ៉ូន ហ្កាណា កុងហ្គូ តាន់ហ្សានីយ៉ា កូដូវ័រ ប៉ាគីស្ថាននីហ្សេរីយ៉ា ទុយនេស៊ី និងរួមទាំងប្រទេសកម្ពុជាផងដែរ។ ជាងនោះទៅទៀត សាជីវកម្មហិរញ្ញវត្ថុអន្តរជាតិ ដែលហៅកាត់ថា “IFC” ដែលជាបុត្តសម្ពន្ធរបស់ធនាគារពិភពលោក World Bank Group ក៏បានវិនិយោគក្នុងគ្រឹះស្ថានមីក្រូហិរញ្ញវត្ថុ អម្រឹត ដែលមានភាគហ៊ុនចំនួន ១៩,៩៩% នៃភាគហ៊ុនសរុបរបស់ អម្រឹត។ IFC គឺជាស្ថាប័នមួយដ៏មានឥទ្ធិពលក្នុងការជំរុញការអភិវឌ្ឍជុំវិញពិភពលោក ដោយផ្ដោតទាំងស្រុងទៅលើវិស័យឯកជន។ IFC ធ្វើការជាមួយសហគ្រាសឯកជននៅនៅក្នុងបណ្ដាប្រទេសប្រមាណជា ១០០ប្រទេស។ បន្ថែមលើសពីនេះទៅទៀត អម្រឹត ក៏មានភាគទុនិកអន្តរជាតិផ្សេងទៀតដូចជា FMO ជាក្រុមហ៊ុនអភិវឌ្ឍន៍ធនាគាររបស់ប្រទេសហូឡង់ មានភាគហ៊ុនចំនួន ១៩,៩៩%, LFP ជាក្រុមហ៊ុនវិនិយោគដែលបានចុះបញ្ជីក្នុងប្រទេសបារាំង មានភាគហ៊ុនចំនួន ៤,០៦% និង Botta ដែលជាក្រុមហ៊ុនបុគ្គលិក មានភាគហ៊ុនចំនួន៣,១៧%។
អម្រឹត គឺជាគ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា ដែលផ្ដល់សេវាហិរញ្ញវត្ថុដល់សហគ្រាសខ្នាតតូចបំផុត តូច និងមធ្យម និងដល់ប្រជាជនដែលមានប្រាក់ចំណូលពីទាបទៅមធ្យម ដោយផ្ដោតជាចម្បងទៅលើ វិស័យកសិកម្ម និងសហគ្រាសខ្នាតតូច និងមធ្យមនៅតាមទីជនបទដាច់ស្រយាល ទីរួមស្រុក/ខេត្ត និងទីក្រុងភ្នំពេញ៕
សម្រាប់ព័ត៌មានបន្ថែម សូមចូលទៅកាន់គេហទំព័រ www.amret.com.kh