Wing សហការជាមួយបេឡាជាតិរបបសន្តិសុខសង្គម ដើម្បីសម្រួលដល់ការបង់ភាគទាន
- 2017-11-21 05:26:31
- ចំនួនមតិ 0 | ចំនួនចែករំលែក 0
Wing សហការជាមួយបេឡាជាតិរបបសន្តិសុខសង្គម ដើម្បីសម្រួលដល់ការបង់ភាគទាន
ចន្លោះមិនឃើញ
ធនាគារឯកទេសវីង (Wing) និងបេឡាជាតិរបបសន្តិសុខសង្គម (ប.ស.ស) បានចុះហត្ថលេខាអនុស្សរណៈយោគយល់គ្នា ស្ដីពីការបង់ភាគទានមក ប.ស.ស ដើម្បីផ្ដល់សេវាកម្មហិរញ្ញវត្ថុឲ្យកាន់តែងាយស្រួល និងមានសុវត្ថិភាព ដល់ក្រុមហ៊ុន អាជីវកម្ម សហគ្រិន និយោជក កាលពីព្រឹកម្សិលមិញ នៅសណ្ឋាគារ កាំបូឌីយ៉ាណា។
ភាពជាដៃគូនេះ Wing នឹងបើកចំហសម្រាប់អាជីវកម្មរបស់និយោជក ដើម្បីសម្រួលដល់ការបង់ភាគទានតាមភ្នាក់ងារ Wing ប្រមាណ ៥០០០ កន្លែងទូទាំងប្រទេស ព្រមទាំងក្លាយជាដំណោះស្រាយល្អសម្រាប់ការបង់ប្រាក់បៀវត្ស។
ឯកឧត្ដម អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជានាយក ប.ស.ស បាននិយាយថា ប.ស.ស សម្លឹងមើលឃើញថា Wing ជាដៃគូដែលអាចមានលទ្ធភាពធ្វើឲ្យការងារកាន់តែមានប្រសិទ្ធភាព ទើបសម្រេចចិត្តចាប់ដៃគូ ដើម្បីងាយស្រួលដល់កម្មករ និយោជិក ពេលរងគ្រោះថ្នាក់ការងារ។
អត្ថប្រយោជន៍របស់និយោជកសម្រាប់ភាពជាដៃគូរវាង ប.ស.ស និង Wing មានដូចជា៖
លោក Ruan Swanapoel នាយកជាន់ខ្ពស់ទទួលបន្ទុកផ្នែកអាជីវកម្ម Wing បានឲ្យដឹងថា៖ “ពួកយើងនឹងពង្រីកទំនាក់ទំនងនៅថ្ងៃអនាគតឲ្យកាន់តែប្រសើរឡើង ដើម្បីផ្ដល់ដំណោះស្រាយកាន់តែមានភាពបត់បែនជាមួយលទ្ធផលដោយចិរភាព”។
បេឡាជាតិរបបសន្តិសុខសង្គម (ប.ស.ស) មានភារកិច្ចផ្ដល់សន្តិសុខសង្គមជាមូលដ្ឋានជូនកម្មករ និយោជិកទាំងអស់ដែលធ្វើការក្នុងវិស័យឯកជន ដោយចុះបញ្ជិកាសមាជិកទទួលភាគទានរបស់សមាជិកនោះ គ្រប់គ្រងមូលនិធិនៃរបបដំណើរការ និងផ្ដល់តាវកាលិកដល់សមាជិក ឬអ្នកនៅក្នុងបន្ទុក។ ព័ត៌មានបន្ថែមពី ប.ស.ស ចូលទៅ http://www.nssf.gov.khនិងពី Wing ចូលទៅ www.wingmoney.com ឬ ០២៣ ៩៩៩ ៩៨៩ /០១២ ៩៩៩ ៤៨៩៕