អ្នកបច្ចេកទេសត្រួតពិនិត្យរថយន្ត Porsche ប្រើសុទ្ធតែវ៉ែនតាបច្ចេកវិទ្យា AR
- 2017-11-21 13:00:00
- ចំនួនមតិ 0 | ចំនួនចែករំលែក 0
អ្នកបច្ចេកទេសត្រួតពិនិត្យរថយន្ត Porsche ប្រើសុទ្ធតែវ៉ែនតាបច្ចេកវិទ្យា AR
ចន្លោះមិនឃើញ
សង្វាក់ផលិតកម្មក្នុងមជ្ឈមណ្ឌលសេវាកម្មរបស់ Porsche នឹងកាន់តែមានប្រសិទ្ធភាពមួយកម្រិតទៀតនៅឆ្នាំ ២០១៨ ក្រោយពីក្រុមហ៊ុនបានប្រកាសកាលពីថ្ងៃចន្ទម្សិលមិញថា ខ្លួននឹងបំពាក់វ៉ែនតាប្រើបច្ចេកវិទ្យា AR (Augmented Reality) ដល់អ្នកជំនាញបច្ចេកទេសរបស់ខ្លួនដើម្បីបង្កើនប្រសិទ្ធភាពត្រួតពិនិត្យរថយន្ត។
វ៉ែនតាបំពាក់បច្ចេកវិទ្យា AR ឈ្មោះថា Tech Live Look ភ្ជាប់សហ្វវែ AiR Enterprise មានគុណភាពបង្ហាញខ្ពស់ (High Resolution) កាមេរ៉ា autofocus ដែលអាចបង្ហាញភាគល្អិតៗបានយ៉ាងងាយស្រួលបំផុតដូចជាសរសៃរនៅលើខ្ចៅជាដើម។
វ៉ែនតា Tech Live Look ក៏មានមុខងារពន្លឺ LED ដើម្បីបំភ្លឺទីតាំងងងឹតខណៈអ្នកបច្ចេកទេសកំពុងអនុវត្តសេវាកម្មដទៃផ្សេងទៀត ។ មួយក្នុងចំណោមមុខងារពិសេសជាងគេរបស់ Tech Live Look គឺវីឌីអូឡាយផ្ទាល់ (Video-Conference) អាចឱ្យក្រុមបច្ចេកទេសជជែកតាមវីឌីអូជាមួយក្រុមការងារនៅឯក្រុង Atlanta របស់ Porsche ដើម្បីជួយកំណត់បញ្ហានិងដោះស្រាយពួកវា។
ក្រៅពីសមត្ថភាពខាងលើវ៉ែនតា Tech Live Look អាចរក្សាទុកទិន្នន័យសេវាបច្ចេកទេស និងការណែនាំចូលក្នុងកញ្ចក់វ៉ែនតាហើយព័ត៌មានអស់ទាំងនេះនឹងនៅលើផ្ទៃកញ្ចក់តែម្តង។ Porsche និយាយថា វាបង្កភាពងាយស្រួលជាងការផ្ញើសារ ឬពន្យល់ណែនាំតាមរយៈការហៅទូរសព្ទ ។
Porsche គ្រោងនឹងបញ្ចេញវ៉ែនតា Tech Live Look ទៅកាន់ហាងលក់នៅទ្វីបអាមេរិកខាងជើងក្នុងឆ្នាំ ២០១៨ ខាងមុខ៕