ប្រធានាធិបតីវ័យ ៩៣ឆ្នាំរបស់ហ្ស៊ីមបាវ៉េលាលែងពីតំណែង តើនរណានឹងដឹកនាំបន្ត?

2017-11-22 02:13:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីចាស់វស្សារបស់ប្រទេសហ្ស៊ីមបាវ៉េ បានសម្រេចចិត្តលាលែងចេញពីតំណែងហើយ ក្រោយកាន់អំណាចអស់ ៣៧ឆ្នាំ។ ចុះនរណាជាអ្នកដឹកនាំប្រទេសនេះបន្ត?

រឿងរ៉ាវក្ដៅគគុកនៅប្រទេសហ្ស៊ីមបាវ៉េ បានកើតឡើង បន្ទាប់ពីប្រធានាធិបតីវ័យ ៩៣ឆ្នាំ Robert Mugabe បានបណ្ដេញអនុប្រធានាធិបតី Emmerson Mnangagwa ចេញពីតំណែងកាលពីខែមុន ដោយចោទថាមិនស្មោះត្រង់នឹងរដ្ឋាភិបាល។ កៅអីអនុប្រធានាធិបតីនោះ ត្រូវលោក Robert Mugabe ត្រៀមផ្ទេរទៅឲ្យភរិយាផ្ទាល់របស់លោក ដែលនាំឲ្យមានការតវ៉ាយ៉ាងខ្លាំង។

លោក Robert Mugabe

អំឡុងពេលជាមួយគ្នានោះ ស្ថានភាពវិបត្តិសេដ្ឋកិច្ចនៅប្រទេសហ្ស៊ីមបាវ៉េ កំពុងធ្លាក់ដុនដាបយ៉ាងខ្លាំង។ យោធាដែលដឹកនាំដោយ អគ្គមេបញ្ជាការ Constantino Chiwenga បានបញ្ជាឲ្យទាហានទាំងអស់បិទផ្លូវចូលទៅកាន់អគាររដ្ឋាភិបាល និងគ្រប់គ្រងទូរទស្សន៍រដ្ឋ ដោយអះអាងថារៀបចំសណ្ដាប់ធ្នាប់ប្រទេសឡើងវិញ និងរុះរើអ្នកបង្កវិបត្តិដល់ប្រទេស រហូតដាក់សម្ពាធប្រធានាធិបតីឲ្យចុះចេញពីតំណែង។

បើតាមសារព័ត៌មាននានា បានចុះផ្សាយថា ចំពោះអ្នកដឹកនាំប្រទេសបន្ត គឺប្រាកដជាលោក Emmerson Mnangagwa ដែលជាអនុប្រធានាធិបតីត្រូវបណ្ដេញចេញពីតំណែងកាលពីខែមុន ហើយសព្វថ្ងៃលោកមានអាយុ ៧៣ឆ្នាំ៕

លោក Emmerson Mnangagwa

រឿងរ៉ាវមួយចំនួន ដែលទាក់ទងនឹងលោក Mnangagwa៖

លោក Mnangagwa បានកាន់តំណែងជាអនុប្រធានាធិបតីប្រទេសហ្ស៊ីមបាវ៉េ ចាប់ពីឆ្នាំ២០១៤ មក រហូតត្រូវបណ្ដេញចេញកាលពីមួយខែមុន
លោក Mugabe បានប្រើមូលហេតុក្នុងការបណ្ដេញលោក Mnangagwa ចេញពីតំណែង ដោយចោទថា "មិនស្មោះត្រង់នឹងរដ្ឋាភិបាល"។ គម្រោងរបស់លោក Mugabe គឺចង់តែងតាំងភរិយា Grace Mugabe ជាអនុប្រធានាធិបតី។
លោក Mnangagwa បានចាកចេញពីប្រទេស ប៉ុន្តែប្ដេជ្ញាត្រលប់ទៅវិញ បន្ទាប់ពីសកម្មភាពបះបោរប្រឆាំងប្រធានាធិបតី បានកក្រើកឡើង
គណបក្សកាន់អំណាច ZANU-PF បានតែងតាំងលោក Mnangagwa ជាប្រធាន ក្រោយពេលបណ្ដេញលោក Mugabe ចេញពីតំណែង
លោក Mnangagwa អាចនឹងស្បថចូលកាន់តំណែងប្រធានាធិបតីនៅរយៈពេលប៉ុន្មានថ្ងៃខាងមុខ។ ការកាន់តំណែងនេះ គឺជំនួសអាណត្តិប្រធានាធិបតី Mugabe រហូតដល់ការបោះឆ្នោតជាថ្មីនៅខែកញ្ញា ឆ្នាំ២០១៨។