ប៉េតង់ថ្នាក់ជាតិ៖ កង្វះពេលហ្វឹកហាត់នាំឲ្យ អ៊ុំ ដាវិន ចាញ់ អ៊ុក ស្រីមុំ ម្សិលមិញ

2017-11-22 02:46:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ៊ុំ ដាវិន បានប្រកួតចាញ់ក្រោមដៃម្ចាស់មេដាយមាសពិភពលោក អ៊ុក ស្រីមុំ កាលពីម្សិលមិញនេះក្នុងវគ្គផ្ដាច់ព្រ័ត្រលើវិញ្ញាសាវាយយកពិន្ទុ ដោយពិន្ទុ ៣៦-២១ ដែលធ្វើឲ្យកីឡាការិនីវ័យក្មេងរូបនេះទទួលបានត្រឹមជើងឯករងក្នុងព្រឹត្តិការណ៍ថ្នាក់ជាតិឆ្នាំ២០១៧ នៅពហុកីឡដ្ឋានជាតិ។

អ៊ុំ ដាវិន

ក្រោយបរាជ័យកីឡាការិនីដែលកំពុងសិក្សាថ្នាក់ឆ្នាំទី១ នៅវិទ្យាល័យមួយនៅភ្នំពេញរូបនេះគិតថា មកពីកង្វះពេលវេលាហ្វឹកហាត់ដោយសារជាប់រវល់ជាមួយការសិក្សា។ ដាវិន បន្ថែមថា ប៉ះរៀមច្បង ស្រីមុំ រូបគេស្ទើរដឹងលទ្ធផលមុនថា នឹងបរាជ័យ ដោយសារកម្រិតមានភាពខុសគ្នា រួមទាំងបទពិសោធន៍។

កីឡាការិនីរូបនេះបញ្ជាក់ថា យ៉ាងណាដើម្បីអភិវឌ្ឍន៍ខ្លួន អាចមានកម្រិតដូចម្ចាស់មេដាយមាសពិភពលោករូបនេះ ដាវិន ត្រូវការបញ្ចប់ការសិក្សាថ្នាក់បរិញ្ញាបត្រសិន ដើម្បីមានពេលគ្រប់គ្រាន់ក្នុងការហ្វឹកហាត់។ ព្រឹត្តិការណ៍ប្រកួតប៉េតង់ថ្នាក់ជាតិឆ្នាំ២០១៧ មាន ២១ ក្លឹបសមាគមចូលរួម ដែលពេលវេលាបញ្ចប់ការប្រកួតគ្រោងបិទនៅថ្ងៃទី២៤ ខែវិច្ឆិកា ឆ្នាំ២០១៧ នៅពហុកីឡដ្ឋានជាតិ វេលាម៉ោង ២:៣០ នាទីរសៀល៕

សកម្មភាពប្រកួតថ្នាក់ជាតិម្សិលមិញ៖