ម៉ោងទទួលទានអាហារល្អបំផុត សម្រាប់អ្នកចង់ស្រកទម្ងន់
- 2017-11-22 07:35:02
- ចំនួនមតិ 0 | ចំនួនចែករំលែក 0
ម៉ោងទទួលទានអាហារល្អបំផុត សម្រាប់អ្នកចង់ស្រកទម្ងន់
ចន្លោះមិនឃើញ
អ្នកចង់ស្គមទាំងអស់សុទ្ធតែព្យាយាមទទួលទានអាហារឲ្យបានត្រឹមត្រូវ និងជៀសវាងការទទួលទានអាហារខុសដែលធ្វើឲ្យឡើងទម្ងន់កាន់តែខ្លាំង។ ទោះជាយ៉ាងណាក៏ដោយ តាមការស្រាវជ្រាវបានបង្ហាញថា ការទទួលទានអាហារឲ្យត្រូវតាមពេលវេលាគឺជាកត្តាសំខាន់ក្នុងការសម្រកទម្ងន់។
ពេលវេលាដែលល្អបំផុតសម្រាប់អាហារពេលព្រឹកគឺនៅម៉ោង ៧:១១នាទី ។ ការស្រាវជ្រាវមួយធ្វើឡើងដោយក្រុមហ៊ុនអាហារ Forza Supplement ដោយបានសាកសួរអ្នកសម្រកទម្ងន់ ១០០០នាក់បានឲ្យដឹងថា ៧៦% នៃអ្នកទាំងនោះបាននិយាយថា អាហារពេលព្រឹកគឺជាអាហារដែលសំខាន់បំផុតប្រចាំថ្ងៃ ហើយការទទួលឲ្យបានរាល់ថ្ងៃអាចជួយកាត់បន្ថយកាឡូរីបានច្រើនផងដែរ។
ចំណែកអាហារពេលថ្ងៃវិញ ពេលវេលាល្អបំផុតសម្រាប់អ្នកនោះគឺនៅម៉ោង ១២:៣៨នាទី។ ៣ ភាគ ៤ នៃអ្នកដែលត្រូវបានសាកសួរបាននិយាយថា ពួកគេទទួលបានផលប្រយោជន៍ជាច្រើនពីការទទួលទានអាហារថ្ងៃត្រង់បន្តិចបន្តួច ប៉ុន្តែអ្នកមិនត្រូវរំលងអាហារថ្ងៃត្រង់នោះទេ។
រីឯអាហារពេលល្ងាចវិញអ្នកគួរតែទទួលទាននៅម៉ោង ៦:១៤នាទី ប្រសិនបើអ្នកចង់សម្រកទម្ងន់លឿន។ អ្នកគួរតែទទួលទានអាហារពេលល្ងាចឲ្យបានឆាប់ ដោយសារតែរាងកាយរបស់អ្នកនឹងមិនសូវមានសកម្មភាពទេនៅពេលល្ងាច ដែលវាធ្វើឲ្យកើនឡើងកាឡូរីបន្ថែមដែលអាចបង្កទៅជាខ្លាញ់។
អ្នកកំពុងសម្រកទម្ងន់ភាគច្រើននិយាយថា អ្នកមិនគួរទទួលទានអាហារពេលថ្ងៃត្រង់ច្រើនជាងអាហារពេលល្ងាចនោះទេ។ អ្នកដែលត្រូវបានសាកសួរ ៦នាក់ក្នុងចំណោម ១០នាក់បានឲ្យដឹងថា ការមិនទទួលទានអាហារនៅពេលណាមួយក្នុងចំណោមអាហារទាំង ៣ ពេល អាចធ្វើឲ្យអ្នកពិបាកស្រកទម្ងន់បំផុត។
ការសិក្សាក៏បានបង្ហាញផងដែរថាការទទួលទានអាហារនៅម៉ោង ៦ល្ងាច ដល់ម៉ោង១០យប់គឺអាក្រក់បំផុតសម្រាប់អ្នកចង់សម្រកទម្ងន់។ ៥៦% នៃអ្នកដែលត្រូវបានសួរនិយាយថាពួកគេចូលចិត្តទទួលទានអាហារនៅម៉ោងនេះដោយសារតែពួកគេអង្គុយញ៉ាំចំណីនៅមុខទូរទស្សន៍។
នាយកគ្រប់គ្រងក្រុមហ៊ុន Forza Supplement លោក Lee Smith បាននិយាយថាគន្លឹះដើម្បីសម្រកទម្ងន់មិនស្ថិតលើបរិមាណនៃអាហារដែលពួកគេបរិភោគនោះទេ ប៉ុន្តែវាស្ថិតលើពេលវេលាដែលពួកគេបរិភោគ និងមិនត្រូវរំលងអាហារក្នុងពេលណាមួយនោះទេ។ លោកបានបន្ថែមថា អាហារពេលព្រឹកគឺសំខាន់បំផុតសម្រាប់អ្នកដែលចង់សម្រកទម្ងន់ ហើយការមិនញ៉ាំវា ធ្វើឲ្យអ្នកកាន់តែឃ្លាននិងធ្វើឲ្យអ្នកញ៉ាំអាហារកាន់តែច្រើននៅពេលបន្ទាប់។
សរុបមក គន្លឹះសំខាន់បំផុតសម្រាប់អ្នកចង់សម្រកទម្ងន់ គឺការញ៉ាំអាហារឲ្យត្រូវតាមពេលវេលា ការមិនរំលងការញ៉ាំអាហារក្នុងពេលណាមួយ និងការញ៉ាំអាហារដែលមានកាឡូរីមិនលើសពី ៤០០ ទៅ ៦០០៕
ចុចអានអត្ថបទ៖
អាហារទាំង៥ ជួយពន្លឿនការរំលាយអាហារ ល្អបំផុតសម្រាប់សុខភាព
មូលហេតុដែលអ្នកមិនគួរផឹកទឹកភ្លាមៗ ក្រោយពេលទទួលទានអាហាររួច
ប្រយ័ត្នរឿង៧យ៉ាង អ្នកមិនគួរធ្វើភ្លាមៗ បន្ទាប់ពីទទួលទានអាហារ