សុខ ចាន់មាន ៖ បរាជ័យក្នុងការប្រកួតថ្នាក់ជាតិ នឹងប៉ះពាល់ដល់ជម្រើសជាតិ

2017-11-23 02:12:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមាសប៉េតង់ពិភពលោក សុខ ចាន់មាន ថា ការបរាជ័យក្នុងការប្រកួតជើងឯកថ្នាក់ជាតិ នឹងអាចជះឥទ្ធិពលទៅដល់ការជាប់ជម្រើសជាតិប៉េតង់កម្ពុជា។

សុខ ចាន់មាន

ការនិយាយបែបនេះបន្ទាប់ពីក្រុមរបស់គេបានប្រកួតចាញ់ក្រុមភូមិភាគពិសេសពីរ ក្នុងលទ្ធផល ១៣-១១ លើវិញ្ញាសាវាយក្រុមបុរស ៣ ទល់ ៣ នៅពហុកីឡដ្ឋានជាតិក្នុងការប្រកួតជើងឯកថ្នាក់ជាតិឆ្នាំ២០១៧។

ក្រោយប្រកួតចប់ភ្លាមម្ចាស់មេដាយមាសពិភពលោករូបនេះបានឲ្យដឹងថា វាជារឿងធម្មតាក្នុងការប្រកួតតែងមានចាញ់ និងឈ្នះ។ តែសម្រាប់កីឡាករជម្រើសជាតិទាំងអស់ នៅពេលប្រកួតចាញ់ក្នុងព្រឹត្តិការណ៍ថ្នាក់ជាតិ វាប្រាកដជាមានផលប៉ះពាល់ដល់ឱកាសក្នុងការជាប់ជម្រើសជាតិរបស់ខ្លួន។

ចាន់មាន បន្ថែមថា យ៉ាងណាការប្រកួតថ្នាក់ជាតិគឺជាឱកាសមួយសម្រាប់កីឡាករដែលមិនមែនជាជម្រើសជាតិបានបង្ហាញសមត្ថភាពផងដែរ។ ព្រឹត្តិការណ៍ប្រកួតប៉េតង់ថ្នាក់ជាតិឆ្នាំ២០១៧ មាន ២១ ក្លឹបសមាគមចូលរួម ដែលពេលវេលាបញ្ចប់ការប្រកួតគ្រោងបិទនៅថ្ងៃទី២៤ ខែវិច្ឆិកា ឆ្នាំ២០១៧ នៅពហុកីឡដ្ឋានជាតិ វេលាម៉ោង ២:៣០ នាទីរសៀល៕