Hun Sen Cup បឹងកេតប៉ះណាហ្គាវើល និងស្វាយរៀងប៉ះអគ្គិសនី វគ្គពាក់កណ្ដាលផ្ដាច់ព្រ័ត្រ
- 2017-11-23 06:46:45
- ចំនួនមតិ 0 | ចំនួនចែករំលែក 0
Hun Sen Cup បឹងកេតប៉ះណាហ្គាវើល និងស្វាយរៀងប៉ះអគ្គិសនី វគ្គពាក់កណ្ដាលផ្ដាច់ព្រ័ត្រ
ចន្លោះមិនឃើញ
ក្រោយពីបញ្ចប់ការប្រកួតវគ្គ៨ក្រុមចុងក្រោយកាលពីម្សិលមិញ ឥឡូវលទ្ធផលនៃការចាប់គូប្រកួតនាវគ្គ៤ក្រុមចុងក្រោយត្រូវបានបង្ហាញហើយ ដោយបឹងកេតប៉ះណាហ្គាវើល និងស្វាយរៀងប៉ះអគ្គិសនី។
លទ្ធផលនៃការប្រកួតវគ្គ៨ក្រុមចុងក្រោយគឺ ព្រះខ័នរាជស្វាយរៀងឈ្នះក្រសួងការពារជាតិ ៤-១ ក្រុមអគ្គិសនី ឈ្នះប៉ូលិស ៣-១ ក្រុមណាហ្គាវើលឈ្នះក្រុមភ្នំពេញក្រោន ៣-១ និងក្រុមបឹងកេតបានយកឈ្នះលើគីរីវង់ក្នុងលទ្ធផល ៤-២។ បើតាមការរៀបចំតាំងពីដើមរដូវកាលមក គឺបានបង្ហាញថាក្រុមឈ្នះទាំង៤នេះ បានដឹងពីដៃគូរបស់ខ្លួនសម្រាប់វគ្គពាក់កណ្ដាលផ្ដាច់ព្រ័ត្ររូចទៅហើយ បើទោះជាមិនទាន់មានការប្រកាសជាផ្លូវការពីសហព័ន្ធក៏ដោយ។
លទ្ធផលនៃវគ្គ៤ក្រុមនេះ គឺព្រះខ័នរាជស្វាយរៀង នឹងត្រូវប៉ះជាមួយក្រុមអគ្គិសនី ខណៈដែលបឹងកេតវិញនោះ នឹងត្រូវតតាំងជាមួយក្រុមណាហ្គាវើល។ ការប្រកួតនឹងអាចធ្វើឡើងនៅថ្ងៃទី២៩ខែវិច្ឆិកាឆ្នាំ ២០១៧ ខណៈដែលជើងទី២នឹងធ្វើឡើងនៅថ្ងៃទី១៣ខែធ្នូឆ្នាំ២០១៧៕