Smart ចង់ផ្លាស់ប្តូរអាជីវកម្មជឿនលឿន ឲ្យបុគ្គលិកគ្រប់ផ្នែករៀនជំនាញបច្ចេកវិទ្យា
- 2017-11-23 11:09:36
- ចំនួនមតិ 0 | ចំនួនចែករំលែក 0
Smart ចង់ផ្លាស់ប្តូរអាជីវកម្មជឿនលឿន ឲ្យបុគ្គលិកគ្រប់ផ្នែករៀនជំនាញបច្ចេកវិទ្យា
ចន្លោះមិនឃើញ
បុគ្គលិកក្រុមហ៊ុនទូរសព្ទ Smart ជាង ១ ០០០ នាក់ មកពីគ្រប់ផ្នែកមិនថាផ្នែកទីផ្សារ រដ្ឋបាល លក់ ផ្នែក Call centre ឫ HR នៅព្រឹកមិញនេះ បានចូលរួមកម្មវិធីបង្កើនជំនាញទេពកោសល្យឌីជីថល (Digital Jam) ដើម្បីឆ្ពោះការអភិវឌ្ឍអាជីវកម្មជឿនលឿននៅពេលអនាគត។
លោក យូ សុគន្ធបញ្ញា ប្រធានផ្នែកយុទ្ធសាស្ត្រនិងអភិវឌ្ឍរបស់ក្រុមហ៊ុន Smart បានឲ្យដឹងថា កម្មវិធី Digital Jam បង្កើតឡើង គោលដៅក្រុមហ៊ុនចង់ផ្លាស់ប្តូរទៅរកការធ្វើអាជីវកម្មជឿនលឿន តាមរយៈការបំប៉នជំនាញបច្ចេកវិទ្យាដល់បុគ្គលិកគ្រប់ផ្នែកទាំងអស់។
លោកថា Smart បានបង្កេីនការវិនិយោគ ជាយុទ្ធសាស្ត្រផ្លាស់ប្តូរការធ្វើការរបស់បុគ្គលិកទាំងអស់ នៅរយៈពេល ៣ ឆ្នាំខាងមុខ ដើម្បីបង្កើនប្រសិទ្ធភាពការងារ អាចបំពេញតម្រូវការរបស់អតិថិជនកាន់តែមានប្រសិទ្ធភាពនិងទាន់ពេលវេលា។
ដោយលើកទឹកចិត្តដល់បុគ្គលិកចូលរួមធ្វើសកម្មភាពជជែក រៀនប្រើប្រាស់បច្ចេកវិទ្យា ក្រុមហ៊ុនរំពឹងបុគ្គលិកទាំងអស់នឹងទម្លាប់នៃការប្រើបច្ចេកវិទ្យា បញ្ចូលទៅក្នុងការងារប្រចាំថ្ងៃរបស់ពួកគេ។
កម្មវិធីបង្កេីនជំនាញឌីជីថល ឬ Digital Jam មិនមែនធ្វើតែបុគ្គលិក Smart ក្នុងប្រទេសកម្ពុជាគឺមាននៅប្រទេស ៦ ផ្សេងទៀត ដែល Smart Axiata កំពុងប្រតិបត្តិការ ដែលមានបុគ្គលិកជាង ១០ ០០០នាក់ មកពីគ្រប់តួនាទី គ្រប់មុខតំណែងបានចូលរួម។
កញ្ញា គៀត វឌ្ឍនៈ ប្រធានផ្នែកគ្រប់គ្រងគម្រោងរបស់ Smart ដែលស្ថិតនៅក្រុម NYC ឲ្យដឹងថា កម្មវិធីនេះ តម្រូវឲ្យក្រុមនីមួយៗត្រូវលើកពីគម្រោងអាជីវកម្ម រួចបង្កើតជា Platform មិនថាជា App ឬវេបសាយ។ កញ្ញានឹងបង្កើតគំនិតអាជីវកម្មមួយ ប៉ុន្តែមិនទាន់ច្បាស់អ្វីពិតប្រាកដទេ ស្ថិតនៅក្នុងការជជែកគ្នានៅក្នុងក្រុមនៅឡើយ។
លោក ចៅ ជីវ៉ឹង បុគ្គលិកផ្នែកគម្រោងឥណទានស្ថិតនៅក្រុម CTT ដែលមានសមាជិក ៤ នាក់បានឲ្យដឹងថា ក្រុមរបស់លោក នឹងនាំបទពិសោធន៍ថ្មីលេីការច្នែប្រឌិតបច្ចេកវិទ្យាសម្រាប់អាជីវកម្ម ធ្វេីយ៉ាងណាអាចផ្តល់សេវាកម្ម ដែលលឿននិងផ្តល់ភាពពេញចិត្តបំផុតដល់អតិថិជន។