Messi ថា PSG និង City ខ្លាំងនៅ Champions Leaguge តែ Real ក៏មិនណយដែរ

2017-11-25 03:33:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Lionel Messi ស៊ុតបញ្ចូលទីបាន៣គ្រាប់ និងបញ្ជូនឲ្យមិត្តរួមក្រុមស៊ុតបាន១ដងក្នុងការប្រកួត UEFA Champions League រដូវកាល២០១៧-២០១៨។

Messi

នៅ La Liga វិញរូបគេក៏កំពុងនាំមុខក្នុងតារាងអ្នកស៊ុតបញ្ចូលទីផងដែរក្រោយរកបាន១២គ្រាប់។ តារាឆ្នើមសញ្ជាតិអាហ្សង់ទីនទើបតែឈ្នះស្បែកជើងមាសកាលពីថ្ងៃម្សិលមិញក្នុងនាមជាកីឡាករស៊ុតបញ្ចូលទីបានច្រើនបំផុតនៅទ្វីបអឺរ៉ុបរដូវកាលមុន។

សួរពាក់ព័ន្ធនឹងគូប្រជែងនៅ Champions league ក្នុងពិធីប្រគល់ស្បែកជើងមាស Messi បានសរសើរដល់ Manchester City និង Paris Saint Germain ថាមានទម្រង់លេងខ្លាំងនៅរដូវកាលនេះហើយគឺជាបេក្ខភាពប្រជែងពានជាមួយ Barcelona តែរូបគេក៏មិនអាចមើលរំលងចំពោះ Real Madrid ដែរ។

“City គឺជាក្រុមខ្លាំងបំផុតមួយពេលបច្ចុប្បន្នជាមួយ PSG។ មកទល់នឹងពេលនេះពួកគេបានបង្ហាញថាខ្លួនគឺជាបេក្ខភាពអាចនឹងឈ្នះ Champions League។ ចំពោះ Madrid វិញក៏មិនអាចលេងសើចបានដែរ ព្រោះក្រុមនេះតែងតែធ្វើបានលទ្ធផលដែលគ្មាននរណានឹកស្មានដល់ ដូចរដូវកាលមុនៗជាឧទាហរណ៍ស្រាប់"៕