ក្រុមហ៊ុន៥ដេញថ្លៃយកដីកីឡដ្ឋានចាស់របស់ Atletico Madrid
- 2017-11-25 07:21:13
- ចំនួនមតិ 0 | ចំនួនចែករំលែក 0
ក្រុមហ៊ុន៥ដេញថ្លៃយកដីកីឡដ្ឋានចាស់របស់ Atletico Madrid
ចន្លោះមិនឃើញ
មានសំណើចំនួនប្រាំនៅលើតុដើម្បីទិញដីកីឡដ្ឋានចាស់ Vicente Calderon របស់ក្រុម Atletico Madrid ដែលត្រូវបានគ្រប់គ្រងដោយក្រុមហ៊ុនផ្ដល់ប្រឹក្សាផ្នែកសំណង់ CBRE។
ការប៉ាន់ប្រមាណដំបូងគឺទីតាំងនោះនឹងត្រូវលក់ក្នុងតម្លៃ ១៥០លានអឺរ៉ូ ប៉ុន្តែពេលនេះវាបានហក់ឡើងរហូតដល់១៧៥លានអឺរ៉ូ។ ក្រុមហ៊ុនទាំងប្រាំនោះមានដូចជា Ibosa, Green Oak, Aelca, Pryconsa និង Varde Partners កំពុងស្ថិតនៅក្នុងដំណើរការដេញថ្លៃដែលនឹងបញ្ចប់នៅចុងឆ្នាំ២០១៧។
ប្រភពជិតស្និទ្ធនឹងសារព័ត៌មាន Marca ឲ្យដឹងថាក្រុមហ៊ុន២ក្នុងចំណោម៥អាចឈ្នះការដេញថ្លៃ និងបោះទុនវិនិយោគលំនៅឋានប្រណីតៗមានទំហំទឹកប្រាក់២៥០លានអឺរ៉ូ ដែលអាចឲ្យពួកគេចំណេញមកវិញយ៉ាងហោចណាស់ក៏១០០លានដែរ។
ការលក់ដីកីឡដ្ឋានចាស់ Vicente Calderon គឺជាវិធីមួយដែល Atletico អាចគៀងគរប្រាក់ត្រឡប់មកវិញបន្ទាប់ពី ក្លឹបបានចំណាយលក់ប្រមាណ៣០០លានអឺរ៉ូលើកីឡដ្ឋានថ្មី Wanda Metropolitano៕