Juventus ទិញ Douglas Costa ផ្ដាច់ពី Bayern ក្រោយខ្ចីជើងកន្លះរដូវកាល
- 2017-11-25 08:51:53
- ចំនួនមតិ 0 | ចំនួនចែករំលែក 0
Juventus ទិញ Douglas Costa ផ្ដាច់ពី Bayern ក្រោយខ្ចីជើងកន្លះរដូវកាល
ចន្លោះមិនឃើញ
Bayern Munich បានឲ្យដឹងថាបានព្រមព្រៀងលក់ Douglas Costa ឲ្យទៅ Juventus ហើយក្រោយអនុញ្ញាតឲ្យក្លឹបយក្សអ៊ីតាលីខ្ចីជើងបានកន្លះរដូវកាល។
ខ្សែប្រយុទ្ធសញ្ជាតិប្រេស៊ីលត្រូវ Juventus ខ្ចីជើងកាលពីទីផ្សារដោះដូរកីឡាករបើកក្នុងរដូវក្ដៅជាមួយលក្ខខណ្ឌទិញផ្ដាច់នៅរដូវកាលក្រោយ។ ក្រុមរហស្សនាមថាសេះបង្កង់បានបង់ចំនួន៦លានអឺរ៉ូដល់ Bayern សម្រាប់ការខ្ចីជើង ហើយនឹងថែមលុយ៤០លានអឺរ៉ូទៀតបង្គ្រប់ចំនួន៤៦លានអឺរ៉ូដើម្បីទិញ Costa។
រយៈពេលជិតកន្លះរដូវកាលកន្លងមកកីឡាករវ័យ២៧ឆ្នាំនៅមិនទាន់ជាប់ជម្រើសដំបូងជាប្រចាំនៅឡើយទេក្នុងនោះទើបលេងបាន៥ដងប៉ុណ្ណោះនៅ១០ប្រកួតកន្លងមក។ យ៉ាងណាក៏ដោយ Juventus បានមើលឃើញពីសក្ដានុពលរបស់ Costa ទើបឈានដល់ការទិញយកផ្លូវការតែម្ដង៕