អ្នកសិល្បៈ៦ រូបទទួលរងព័ត៌មានអាស្រូវរស់នៅជាមួយគ្នាដូចប្ដីប្រពន្ធ
- 2017-11-26 23:25:00
- ចំនួនមតិ 0 | ចំនួនចែករំលែក 0
អ្នកសិល្បៈ៦ រូបទទួលរងព័ត៌មានអាស្រូវរស់នៅជាមួយគ្នាដូចប្ដីប្រពន្ធ
ចន្លោះមិនឃើញ
តារាចម្រៀង និងសម្ដែងប្រុសស្រី៦ រូបធ្លាប់ទទួលរងព័ត៌មានអាស្រូវមានស្នេហាលួចលាក់ជាមួយគ្នាថែមទាំងរស់នៅក្រោមដំបូលតែមួយដូចប្ដីប្រពន្ធទៀតផង។ ប៉ុន្តែព័ត៌មាន និងពាក្យចចាមអារ៉ាមទាំងអស់នេះត្រូវបានសាមីខ្លួនទាំង៦ រូបបដិសេធថាមិនមែនជាការពិតឡើយ។
តារាចម្រៀង និងសម្ដែងប្រុសស្រីទាំង៦រូបរួមមាន៖
១/ តារាចម្រៀងផលិតកម្មហង្សមាសកញ្ញា សួស វិហ្សា និង លោក ថមមី ត្រូវបានប្រភពស្និទ្ធស្នាលមួយទម្លាយថាអ្នកទាំងពីរមានទំនាក់ទំនងស្នេហា និងរស់នៅក្រោមដំបូលតែមួយដូចប្ដីប្រពន្ធ។ រឿងរ៉ាវនេះត្រូវបានសាមីខ្លួនជាភាគីដែលពាក់ព័ន្ធចេញមុខប្រតិកម្មថា មិនមែនជាការពិតនោះទេ ហើយពួកគេក៏មិនបានរស់នៅជាមួយគ្នាដែរ។
២/ ងាកមកចាប់អារម្មណ៍តារាចម្រៀងប្រុសប្រចាំផលិតកម្មខាងលើដដែល នៅ ស៊ីនឿន កន្លងមកមានពាក្យចចាមអារ៉ាមថា លោក និង សុផា លីនដា មានទំនាក់ទំនងស្នេហាស៊ីជម្រៅជាមួយគ្នា។ លើសពីនេះអ្នកទាំងពីរថែមទាំងបានរស់នៅផ្ទះជាមួយគ្នាថែមទៀតផង។ ក្រោយពីផ្ទុះរឿងអាស្រូវបែបនេះភាគី ខាងស្រីក៏ចេញមុខបកស្រាយថា ទំនាក់ទំនងនាង និង នៅ ស៊ីនឿន ក្នុងនាមជាមិត្តរួមការងារតែប៉ុណ្ណោះ។ ចំណែកឯរឿងរស់នៅជាមួយគ្នារឹតតែមិនអាចទៅរួចទៀត។
៣/បើនិយាយពីកំលោះសង្ហាជាប់សែស្រឡាយចិន ខាត់ វៃហាំង វិញ កន្លងមកធ្លាប់លេចឮព័ត៌មានថាលោក និងស្រីស្អាត ស៊ិន យូប៊ីន មានទំនាក់ទំនងស្នេហាជាមួយគ្នាជាច្រើនឆ្នាំមកហើយ តែអ្នកទាំងពីរមិនហ៊ានបើកចំហតែប៉ុណ្ណោះ។ អ្វីដែលចាប់អារម្មណ៍ជាងនេះទៅទៀតល្បីថាពួកគេកំពុងតែរស់នៅក្រោមដំបូលតែមួយល្អូកល្អិនដូចប្ដីប្រពន្ធ។ ដំណឹងនេះត្រូវបាន យូប៊ីន ចេញមុខបដិសេធថាមិនមែនជាការពិត ព្រោះខ្លួន និងវៃហាំង ស្រលាញ់រាប់អានគ្នាដូចបងប្អូន គ្មានអ្វីលើសពីហ្នឹងនោះទេ៕