ធុញ iPhone ប្រើឆាប់ពេញមេម៉ូរីមែនទេ? នេះវិធីដោះស្រាយ
- 2017-11-27 02:41:01
- ចំនួនមតិ 0 | ចំនួនចែករំលែក 0
ធុញ iPhone ប្រើឆាប់ពេញមេម៉ូរីមែនទេ? នេះវិធីដោះស្រាយ
ចន្លោះមិនឃើញ
អ្នកធ្លាប់ប្រើ iPhone ១៦GB នៅសល់តែ ១២GB ដែលមិនគ្រប់គ្រាន់សម្រាប់មនុស្សភាគច្រើន បន្ទាប់មក Apple បានប្រើទំហំមូលដ្ឋានលើ iPhone 7 ដោយមាន ៣២GB រួច iPhone 8 មានទំហំចាប់ពី ៦៤GB។ ទោះបីទំហំធំប៉ុណ្ណា អ្នកគួរយល់ដឹងពីរបៀបសំអាត Space លើ iPhone ដោយសារទំហំ រូបភាព តន្ត្រី កម្មវិធី និងហ្គេមនានា ប្រើ Space ច្រើន។ ក្នុងការពិនិត្យមើលព័ត៌មានពេលទំហំ Space ចុះទាប អ្នកអាចចូលទៅកាន់កម្មវិធី Settings > General > iPhone Storage ដោយផ្នែកខាងលើបង្ហាញពីព័ត៌មានរបស់ទំហំ Storage មាននៅប្រើ ឬប្រើអស់ប៉ុណ្ណា។ អ្នកអាចឃើញមានពណ៌ខុសគ្នារវាង Apps, Mail, Photos, Messages និងកម្មវិធីមួយចំនួនទៀត។
ពេលអ្នកអូសចុះក្រោមក្នុងកម្មវិធី Settings > General > iPhone Storage អ្នកនឹងឃើញនូវបណ្តាលកម្មវិធី និងហ្គេម ដែលកំពុងប្រើប្រាស់ Space ច្រើន ដោយបង្ហាញលើគេ។ ពេលអ្នកចុចលើកម្មវិធីណាមួយ អ្នកនឹងឃើញនូវទំហំកម្មវិធី ទំហំឯកសារ និងទិន្នន័យពាក់ព័ន្ធផ្សេងទៀត។ អ្នកអាចពិនិត្យមើលលើកម្មវិធីណាមួយបង្ហាញថា Never Used (កម្របើកប្រើប្រាស់) រួចចុចលើវា ហើយជ្រើសរើស Delete App ក្នុងការលុប។ មួយវិញទៀត អ្នកអាចប្រើជម្រើស Offload Unused App នៅខាងលើ ហើយបើកដំណើរការវា ក្នុងការលុបនូវកម្មវិធីកម្រប្រើដោយស្វ័យប្រវត្តិ ប៉ុន្តែរក្សាទុកនូវឯកសារ និងទិន្នន័យពាក់ព័ន្ធ ដូច្នេះពេលដំឡើងកម្មវិធីនោះឡើងវិញ កម្មវិធីនូវតែមានទិន្នន័យអ្នកធ្លាប់ប្រើពីមុន។ អ្នកអាចស្វែងរកជម្រើសនេះក្នុងកម្មវិធី Settings > Apple ID > iTunes & App Store រួចអូសចុះក្រោម ដើម្បីបើកដំណើរការ។
រូបភាព និងវីដេអូអ្នកថតខ្លួនឯងអាចប្រើនូវ Space ច្រើនលើ iPhone ដូច្នេះអ្នកគួរបិទជម្រើសមួយចំនួន ប្រសិនបើអ្នកខ្វល់ខ្វាយពីទំហំ Space។ ដោយចាប់ផ្តើមពី Live Photos អ្នកអាចចុចលើចំនុចបីជារង្វង់ពណ៌លឿង ស្ថិតនៅខាងលើអេក្រង់ក្នុងកម្មវិធី Camera ក្នុងការបិទ ហើយរង្វង់មូលនោះនឹងប្រែជាពណ៌សរ។ រូបភាពអាចល្អប្រសើរពេល HDR បើកដំណើរការ ប៉ុន្តែប្រសិនបើអ្នកប្រើប្រាស់មុខងារនេះ អ្នកចូលទៅកាន់កម្មវិធី Settings > Camera ហើយបិទនូវ Keep Normal Photo។ ត្រង់នេះ អ្នកក៏អាចបិទនូវ Auto HDR បានប្រសិនបើអ្នកចង់។ មួយវិញទៀត អ្នកគួរជៀសវាងថតវីដេអូកម្រិត 4K ទាំងវីដេអូធម្មតា ឬវីដេអូយឺត (Slow-motion) ប្រសិនបើអ្នកមាន Space មិនគ្រប់គ្រាន់ ពីព្រោះមុខងារទាំងនេះចំណាយ Space ច្រើនជាងវីដេអូធម្មតា។ អ្នកអាចបន្ថយនូវកម្រិត Resolution និង Frame rate ក្នុងកម្មវិធី Settings > Camera > Record Video ឬ Record Slo-mo។
វិធីដ៏ល្អ អ្នកគួររក្សាទុកនូវរូបភាព និងវីដេអូក្នុង Cloud ដូចជា iCloud របស់ Apple ជាដើម។ អ្នកអាចគ្រប់គ្រងវាបាន ដោយចូលទៅកាន់កម្មវិធី Settings > Apple ID > iCloud អ្នកនឹងអាចឃើញនូវទំហំ Storage និងបញ្ជីរាល់កម្មវិធីកំពុងប្រើប្រាស់ iCloud សម្រាប់គោលបំណង Back up។ អ្នកចុចលើ Photos ហើយប្រាកដថា iCloud Photo Library បើក បន្ទាប់មកចុចលើ Optimize iPhone Storage ដូច្នេះជំនាន់ Resolution ពេញលេញ ដែលរក្សាទុកក្នុង iCloud (អាចទាញយកពី iCloud វិញបាន) នឹងជំនួសដោយជំនាន់សន្សំសំចៃ ពេលអ្នកមាន Space ទាប។ មួយវិញទៀត អ្នកគួរប្រើ Google Photos ដោយសារអាចប្រើ ឥតគិតថ្លៃ។ អ្នកក៏អាចទទួលបាន Storage space ឥតគិតថ្លៃប្រើដូចជា Dropbox ឬ OneDrive ផងដែរ។
អ្នកគួរស្តាប់ តន្ត្រី និងវីដេអូលើ Online តែម្តង ដែលអ្នកអាចសន្សំសំចៃ Space បានច្រើន ហើយស្តាប់បានចំរៀងថ្មីៗទៀត តែត្រូវចំណាយលើទិន្នន័យអ៊ីនធឺណិតទាញយកស្តាប់។
អ្នកអាចធ្វើការលុបចោលនូវសារមិនសំខាន់ចោល ជាពិសេសសារដែលមាននូវ Attachment។ អ្នកអាចចូលទៅកាន់កម្មវិធី Settings > Messages ហើយអូសចុះក្រោមត្រង់ Message History រួចចុច Keep Messages បន្ទាប់មកកំណត់វាទៅ 30 Days ដូច្នេះវានឹងលុបនូវ Voicemail, call history និងលេខមិនប្រើចោលក្រោយ ៣០ថ្ងៃ។ អ្នកក៏អាចពិនិត្យមើលខ្លួនឯងបានលើជម្រើស Review Large Attachments ក្នុងកម្មវិធី Settings > General > iPhone Storage ដែលអ្នកអាចលុបចោលបាន ប្រសិនបើមិនត្រូវការ។
ប្រសិនបើអ្នកមានឯកសារ វីដេអូ ឬ Files ចាស់ៗលើ iPhone អ្នកគួរលុបចោល ជាពិសេសពិនិត្យមើលលើកម្មវិធីជាក់លាក់ណាមួយ ដូចជា iBooks ប្រសិនបើមានសៀវភៅអ្នកបានអានរួច។
អ្នកអាចចូលទៅកាន់កម្មវិធី Settings > Apple ID > iTunes & App Store ហើយប្រាកដថាអ្នកបានបិទនូវមុខងារ Download ដោយស្វ័យប្រវត្តិសម្រាប់ Music, Apps និង Books & Audiobooks។ ពេលអ្នកបើកមុខងារនេះ អ្នកនឹងត្រូវទាញយក Content អ្នកបានទិញលើឧបករណ៍ផ្សេងទៀត ដែលប្រើប្រាស់ Apple ID ដូចគ្នា។ អ្នកគួរបើកនូវមុខងារ Updates ដូច្នេះ កម្មវិធីអាចកំណែទម្រង់ដោយបន្ថែមសុវត្ថិភាព និងដំណោះស្រាយបញ្ហា ដែលអ្នកត្រូវការ។
ទិន្នន័យគេហទំព័រ និងអ្វីធ្លាប់ប្រើពីមុនមានការកើនឡើងជាបន្តបន្ទាប់។ អ្នកអាចលុបចោលដោយចូលទៅកាន់កម្មវិធី Settings > Safari អូសចុះក្រោម ហើយចុចលើ Clear History and Website Data។
ប្រសិនបើចំនុចខាងលើមិនអាចជួយដោះស្រាយបញ្ហាបានទេ អ្នកអាច Backup iPhone រួចសំអាត iPhone ហើយ Restore ពីចំនុច Backup ដែលអាចជួយកាត់បន្ថយនូវទំហំទិន្នន័យក្នុង Storage បានខ្លះ។ ក្នុងការធ្វើបែបនេះ អ្នកអាចចូលទៅកាន់កម្មវិធី Settings > General > Reset ហើយជ្រើសរើស Erase All Content and Settings > Back Up Then Erase។ សម្រាប់ចំនុចនេះ សូមធ្វើដោយមានភាពទទួលខុសត្រូវលើ Device របស់ខ្លួន៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់