Silva ៖ Mbappé ច្រឡំថាខ្លួនឯងកំពុងលេងឲ្យ Monaco
- 2017-11-28 02:26:59
- ចំនួនមតិ 0 | ចំនួនចែករំលែក 0
Silva ៖ Mbappé ច្រឡំថាខ្លួនឯងកំពុងលេងឲ្យ Monaco
ចន្លោះមិនឃើញ
Thiago Silva និយាយថា Kylian Mbappé ច្រឡំថារូបគេកំពុងលេងឲ្យ Monaco ក្នុងការប្រកួតដែល Paris Saint-Germain បានយកឈ្នះ Monaco ២ ទល់នឹង១កាលពីថ្ងៃអាទិត្យ។
ការលើកឡើងដូច្នេះរបស់ប្រធានក្រុមសញ្ជាតិប្រេស៊ីលដោយសារ Mbappé ធ្លាប់ជាយុវជន និងជាខ្សែប្រយុទ្ធឆ្នើមរបស់ Monaco រយៈពេល៤ឆ្នាំហើយក្នុងការប្រកួតខាងលើកីឡាករវ័យ១៨ឆ្នាំមានឱកាសញាក់បាល់ដាច់អ្នកចាំទីតាំងពីដើមតង់ទីមួយតែបែរជាទាត់មិនចូល ទើបធ្វើឲ្យ Silva ឌឺបែបលេងសើចថាព្រោះរូបគេច្រឡំស្មានតែកំពុងលេងឲ្យក្រុមចាស់។
Silva បានប្រាប់អ្នកសារព័ត៌មានថា៖ "ខ្ញុំបានប្រាប់ Mbappé ក្នុងបន្ទប់ផ្លាស់សំលៀកបំពាក់ថា គេប្រហែលគិតថាខ្លួនឯងលេងឲ្យ Monaco ហើយ សូម្បី១គ្រាប់របស់ Monaco ក៏ជាបាល់ខ្ទាតចេញពី Mbappé ដែរ។ យ៉ាងណារូបគេលេងបានយ៉ាងល្អតាំងពីបើករដូវកាលដូចគ្នានឹង Cavani និង Neymar"។
គួរបញ្ជាក់ថា Mbappé ត្រូវ Paris Saint-Germain ខ្ចីជើងពី Monaco មួយរដូវកាល និងមានលក្ខខណ្ឌទិញផ្ដាច់ពេលទីផ្សារដោះដូរបើកអំឡុងខែសីហាឆ្នាំ២០១៨។ ការធ្វើបែបនេះគឺដោយសារក្លឹបអ្នកមានបារាំងខ្លាចរងការពិន័យពី UEFA ដោយសារខ្លួនបានចាយលុយច្រើនពេក៕