Hazard ប្រាប់ពីទម្លាប់មួយដែលខ្លួនធ្វើពេលហ្វឹកហាត់

2017-11-28 07:14:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Eden Hazard បានបង្ហើបពីទម្លាប់មួយដែលរូបគេតែងតែធ្វើពេលហ្វឹកហាត់នោះគឺការលេងមិនអស់ពីសមត្ថភាព បង្ការក្រែងមានរបួសខកខានលេងប្រកួតមែនទែន។

Hazard

ជាទូទៅកីឡាករតែងតែលេងពេលហ្វឹកហាត់ដោយអស់ពីចិត្តដើម្បីឲ្យអ្នកចាត់ការទូទៅជ្រើសចូលជម្រើសដំបូងតែសម្រាប់ ខ្សែបម្រើឆ្នើមសញ្ជាតិបែលហ្សិកមិនគិតដូច្នោះទេ។ តារាឆ្នើមពោរពេញដោយភាពប៉ិនប្រសព្វ និងជំនាញលើទីលានតែងលេងជាជម្រើសទីមួយមិនអាចខ្វះបាននៅ Chelsea ចាប់តាំងពីឆ្នាំ២០១៤មក។

ថ្លែងចំពោះមុខអ្នកសារព័ត៌មានខ្សែបម្រើវ័យ២៦ឆ្នាំនិយាយថា៖ "ជាការពិតខ្ញុំតែងតែការពារជើងទាំងពីរ គឺលេងមិនអស់ពីសមត្ថភាពឡើយអំឡុងពេលហ្វឹកហាត់។ ខ្ញុំមិនចង់ឲ្យគេទាត់ត្រូវជើងហើយជារឿយៗខ្ញុំព្យាយាមរកចន្លោះគេចចេញ ប៉ុន្តែពេលប្រកួតមែនទែនគឺខ្ញុំប្រឹងលេង១០០%ដើម្បីក្រុម"។

Hazard កំពុងហ្វឹកហាត់ជាមួយសមាជិកក្រុម Chelsea ត្រៀមបើកទ្វារកីឡដ្ឋាន Stamford Bridge ស្វាគមន៍ Swansea នៅយប់ថ្ងៃពុធស្អែកនេះ។ ក្រុមរហស្សនាមថាតោខៀវបច្ចុប្បន្នឈរលេខ៣ក្នុងតារាងចាញ់ក្រុមលេខ១ Manchester City ចំនួន១១ពិន្ទុ៕