និស្សិតពេទ្យចេញ MV ចម្រៀងថ្មី ស្នាដៃខ្លួនឯងទាំងបច្ចេកទេស និងដឹកនាំ(វីដេអូ)

2017-11-28 11:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីផលិតវីដេអូខ្លីបែបអប់រំ អតីតនិស្សិតពេទ្យដែលមាននិស្ស័យចូលចិត្តសិល្បៈចម្រៀង ឌឿ វិសាល ហៅ ធូ បានដឹកនាំក្រុមតន្ត្រី RG Band ផលិតវីដេអូចម្រៀង១ ដែលទើបតែចេញក្នុងពេលថ្មីៗនេះ។

ធូ ឧត្តម និង តារា

បទថ្មីនេះមានចំណងជើងថា "បើស្រឡាញ់ត្រូវចេះរក្សា" ដែលរៀបរាប់ពីរឿងរ៉ាវស្នេហា បែកបាក់ ឈឺចាប់ និងក្ដីអាឡោះអាល័យនៅកាន់គូស្នេហ៍។

ប្រធានក្រុមខាងលើបានឲ្យដឹងថា ទាំងទំនុកច្រៀង ទំនុកភ្លេង បទភ្លេង បច្ចេកទេសថតសម្លេង ការដឹកនាំថត និងកាត់តវីដេអូ នៃចម្រៀង១បទនេះ គឺសុទ្ធតែផលិតឡើងក្រោមស្នាដៃរបស់លោកទាំងអស់។ ចំណែកការថត លោកមានក្រុមការងារម្នាក់ជួយសម្របសម្រួល។

RG Band គឺជាក្រុមតន្រ្តី១ មានសមាជិកចំនួន៣រូប ដែលពួកគេមានអាជីព និងជំនាញខុសគ្នា តែមាននិស្ស័យស្រឡាញ់សិល្បៈដូចគ្នា។ ក្នុងនោះ មេក្រុម ធូ គឺជានិស្សិតពេទ្យទើបបញ្ចប់ការសិក្សាថ្នាក់បរិញ្ញាបត្រ អ្នកច្រៀងប្រចាំក្រុម តារា ជានិស្សិតសិក្សាលើជំនាញវិស្វកម្ម និងអ្នករ៉េប ឧត្តម គឺជាកីឡាកររត់ប្រណាំងជម្រើសជាតិ៕

ចង់ដឹងបទថ្មីរបស់ពួកគេមានអត្ថរសបែបណា? តោះស្ដាប់ទាំងអស់គ្នា!!!

អត្ថបទ៖ សុខណា

រូបភាព៖ ផ្ដល់ឲ្យ