ទម្លាប់អាក្រក់ ១០យ៉ាងគួរបញ្ឈប់បន្ទាន់ បើចង់ការពារប្រព័ន្ធរំលាយអាហារ
- 2017-11-29 23:30:00
- ចំនួនមតិ 0 | ចំនួនចែករំលែក 0
ទម្លាប់អាក្រក់ ១០យ៉ាងគួរបញ្ឈប់បន្ទាន់ បើចង់ការពារប្រព័ន្ធរំលាយអាហារ
ចន្លោះមិនឃើញ
ការឈឺក្រពះ, ការចុកចុងដង្ហើម, ទល់លាមកនិងឈឺសន្លាក់គឺជាសញ្ញានៃប្រព័ន្ធរំលាយអាហារមិនល្អ។ ហើយជួនកាលការរំលាយអាហារមិនបានល្អអាចបណ្ដាលមកពីទម្លាប់អាក្រក់ដែលអ្នកធ្វើប្រចាំថ្ងៃ។ អ្វីដែលអ្នកញ៉ាំ,របៀបដែលអ្នកញ៉ាំនិងទម្លាប់ផ្សេងទៀតអាចបណ្ដាលអោយមុខងារក្រពះចុះខ្សោយ និងបង្កឲ្យមានរោគសញ្ញាមិនល្អជាច្រើនដូចដែលបានរៀបរាប់ខាងលើ។ ហើយសំខាន់ជាងនេះប្រព័ន្ធរំលាយអាហារមិនល្អអាចប៉ះពាល់ដល់សុខភាពទូទៅរបស់រាងកាយ។ ដូច្នេះមុនពេលដែលវាយឺតពេល, អ្នកគួរតែផ្លាស់ប្ដូរទម្លាប់ប្រចាំថ្ងៃដែលអាក្រក់សម្រាប់ប្រព័ន្ធរំលាយអាហារដូចខាងក្រោម ៖
១. អាហារពេលយប់ ទម្លាប់ញ៉ាំអាហារពេលយប់នឹងធ្វើឲ្យអាស៊ីតក្រពះកើនឡើងខ្លាំង ជាពិសេសនៅពេលដែលអ្នកចូលគេងភ្លាមៗ បន្ទាប់ពីញ៉ាំរួច។ ជាការល្អ អ្នកគួរតែទុករយៈពេល ២ម៉ោងបន្ទាប់ពីញ៉ាំអាហារ មុនពេលចូលគេង។
២. កង្វះកាកសរសៃក្នុងអាហារ កាកសរសៃ អាចធ្វើឲ្យប្រព័ន្ធរំលាយអាហារកាន់តែមានភាពរលូន។ កង្វះខាតកាកសរសៃ នឹងធ្វើឲ្យមានការស្ទះក្នុងពោះវៀនដែលបង្កទៅជាការទល់លាមក។ ការបរិភោគផ្លែឈើស្រស់និងបន្លែអាចដោះស្រាយបញ្ហានេះបានយ៉ាងងាយស្រួល។
៣. ទទួលទានទឹកនៅពេលបរិភោគ នៅពេលដែលអ្នកប្រញាប់ អ្នកនឹងទទួលទានទឹកពេលកំពុងបរិភោគ ដើម្បីញ៉ាំអាហារឲ្យអស់លឿន។ ទោះជាយ៉ាងណាក៏ដោយ ទង្វើនេះគឺមិនល្អទេសម្រាប់ក្រពះនិងប្រព័ន្ធរំលាយអាហាររបស់អ្នក។
៤. ការញ៉ាំអាហារច្រើន ការញ៉ាំអាហារច្រើន មិនល្អសម្រាប់ការរំលាយអាហារនោះទេ។ អ្នកគួរតែញ៉ាំសន្សឹមៗ ដើម្បីឲ្យប្រព័ន្ធរំលាយអាហារដំណើរការបានល្អ។
៥. ការទទួលទាន សូដា ការទទួលទាន សូដានឹងធ្វើឲ្យមានបញ្ហាដល់ប្រព័ន្ធរំលាយអាហារដូចជាហើមពោះ និងច្រាលអាស៊ីត ដែលវាមិនមែនជារឿងល្អសម្រាប់អ្នកនោះទេ។
៦. ភេសជ្ជៈ ការទទួលទានភេសជ្ជៈនិងទឹកតែបន្ទាប់ពីអាហារអាចបណ្ដាលឲ្យអ្នកហើមពោះ។ ជាការល្អអ្នកគួរតែផឹកទឹក ឬទឹកមានជាតិរ៉ែបន្ទាប់ពីទទួលទានអាហារ។
៧. ស្ករកៅស៊ូ ការទំពាស្ករកៅស៊ូធ្វើឲ្យខ្យល់ចូលពោះរបស់អ្នក និងបង្កឲ្យមានការរលាកនិងហើមពោះ។
៨. គ្រឿងស្រវឹង គ្រឿងស្រវឹងអាចធ្វើឲ្យអ្នករាករូស , ចុកចុងដង្ហើម និង រលាកក្រពះ។
៩. ពន្យារពេលបន្ទោរបង់ ទង្វើនេះគឺអាក្រក់បំផុតសម្រាប់ការរំលាយអាហារ។ អ្នកមិនគួរពន្យារពេលបន្ទោរបង់នោះទេ ព្រោះវាអាចធ្វើឲ្យអ្នកទល់លាមក។
១០. ការជក់បារី ការជក់បារីនាំមកនូវផលវិបាកដល់រាងកាយជាច្រើនរួមមានប្រព័ន្ធរំលាយអាហារ,អាស៊ីតក្រពះ និងការរលាកក្រពះ។
ចុចអានអត្ថបទ៖