កម្ពុជានាំចេញស្បែកជ្រូកទៅលក់នៅទីផ្សារយក្សលើកដំបូង បានតម្លៃមិនធម្មតា
- 2017-11-30 00:25:00
- ចំនួនមតិ 0 | ចំនួនចែករំលែក 0
កម្ពុជានាំចេញស្បែកជ្រូកទៅលក់នៅទីផ្សារយក្សលើកដំបូង បានតម្លៃមិនធម្មតា
ចន្លោះមិនឃើញ
ក្រុមហ៊ុន ម៉ុង ឫទ្ធី ជាក្រុមហ៊ុនក្នុងស្រុកដំបូងដែលនឹងនាំចេញស្បែកជ្រូកទៅកាន់ទីផ្សារអឺរ៉ុប ខណៈទីផ្សារធំបន្ទាប់គឺប្រទេសចិន។ លោក ម៉ុង ចាន់ថុល ជាកូនប្រុសលោកឧកញ៉ា ម៉ុង ឫទ្ធី បានប្រាប់ Sabay ថារោងចក្រនេះជាការវិនិយោគរួមជាមួយក្រុមហ៊ុនចិន ក្រោមទំហំទឹកប្រាក់ប្រមាណជាង ៥លានដុល្លារ។
តាមការរៀបរាប់លោក ចាន់ថុល បានឲ្យដឹងថា ជាលើកដំបូងដែលកម្ពុជានាំចេញស្បែកជ្រូកទៅលក់នៅក្រៅប្រទេសទទួលបានសុទ្ធតែទីផ្សារធំៗ ដូចជាអឺរ៉ុប និងចិនជាដើម។
លោកបន្តថា សម្រាប់ជើងដំបូងនេះ ក្រុមហ៊ុនគ្រោងនឹងនាំចេញឲ្យបាន ៤០តោន។ "បើនិយាយពីតម្លៃវិញ គេផ្ដល់ឲ្យយើងដូចតម្លៃទីផ្សារពិភពលោក តួយ៉ាងដូចនឹងតម្លៃកៅស៊ូដែរ"។ លោកបញ្ជាក់។ លោក ចាន់ថុល បន្ថែមថា រោងចក្រចម្រាញ់ស្បែកជ្រូកមួយនេះ មានសមត្ថភាពផលិតវបានចំនួន ១ពាន់បន្ទះជារៀងរាល់ថ្ងៃ ហើយស្បែកជ្រូកនេះអាចយកទៅកែច្នៃជាស្បែកជើង ស្បែកពូករថយន្ត កាបូប និងខ្សែក្រវ៉ាត់។ល។ បច្ចុប្បន្នក្រុមហ៊ុន កំពុងបង្វឹកបុគ្គលិកបន្ថែមដើម្បីបង្កើនការផលិតស្បែកជ្រូក។
គួរជម្រាបថា រោងចក្រចម្រាញ់ស្បែកជ្រូកនេះ មានទីតាំងស្ថិតនៅ ក្នុងកំពង់ផែកែវផុសរបស់លោក ម៉ុង ឫទ្ធី ស្ថិតក្នុងខេត្តព្រះសីហនុ ហើយនឹងត្រូវសាងសង់ឡើងលើផ្ទៃដីសរុប៦,៦ ហិកតា ៕
សូមទស្សនាវីដេអូនៃរោងចក្រផលិតស្បែកជ្រូកខាងក្រោម៖