បែកធ្លាយទឹកប្រាក់ ករុណា ពេជ្រ ចងដៃ សុគន្ធ និសា
- 2017-11-30 03:16:37
- ចំនួនមតិ 0 | ចំនួនចែករំលែក 0
បែកធ្លាយទឹកប្រាក់ ករុណា ពេជ្រ ចងដៃ សុគន្ធ និសា
ចន្លោះមិនឃើញ
រឿងមួយគួរឲ្យស្ដាយនៅថ្ងៃមង្គលការតារាចម្រៀង សុគន្ធ និសា លោក ករុណា ពេជ្រ ដែលជាមិត្តស្និទ្ធស្នាលនាង មិនបានមកចូលរួមក្នុងពិធី។
ទោះបីជាមិនបានមកចូលរួមក្នុងពិធីមង្គលការ សុគន្ធ និសា តែលោក ករុណា ពេជ្រ បាបជួនផ្កាកូឡាបពណ៌ស ១៦៨ ទងព្រមទាំងទឹកប្រាក់ចំនួន ១៦៨ ដុល្លារជាចំណងដៃក្នុងថ្ងៃជ័យមង្គលនេះផងដែរ។ នេះបើតាមលោក ករុណា ពេជ្រ បញ្ជាក់នៅលើហ្វេសប៊ុក។
លោកបានភ្ជាប់សារ ជាមួយរូបថតប៉ុន្មានសន្លឹកថា៖"ចូលរួមអបអរ និសា និង បងប្រុស សម្រាប់ថ្ងៃមង្គលជ័យ ១/12/2017 ជូនពរបងប្រុស និង និសា ចាប់ដៃគ្នា ជួបតែសេចក្ដីសុខ សុភមង្គល ជារៀងរហូតសុំទោសដែលខ្ញុំមិនបានមកចូលរួមថ្ងៃពិសេសរបស់មិត្តល្អ និងបងប្រុសដ៏ល្អ ដោយសារមានការងារត្រូវបំពេញនៅខេត្តសៀមរាប ដូច្នេះខ្ញុំមានតែបាច់ផ្កាកូឡាប ១៦៨ ទង ជូនពរឱ្យស្រឡាញ់គ្នា រហូតដល់១៦៨ ឆ្នាំ និងទឹកប្រាក់ ១៦៨ ដុល្លារ តំណាងលាភ ជ័យ ចាប់ដៃគ្នា ហេង ហេង រកលុយបានច្រើនៗ រហូតរហូត...”។
គួរបញ្ជាក់ថានៅល្ងាចថ្ងៃទី៣០ ខែ វិច្ឆិកា ឆ្នាំ ២០១៧ នេះគឺជាថ្ងៃចូលរោងការ សុគន្ធ និសា និងលោក សាំបា អាណិកជនខ្មែរអាមេរិក នៅថ្ងៃស្អែកត្រូវ នឹងថ្ងៃទី ១ ខែ ធ្នូ ជួបជុំភ្ញៀវកិត្តិយស ព្រមទាំងមិត្តភ័ក្ដិសិល្បៈពិសាភោជនាហារនៅសណ្ឋាគារសូហ្វីតែល៕