ម្សិលមិញជាខួប១១៨ឆ្នាំដែលក្លឹប Barcelona បានចាប់កំណើត
- 2017-11-30 03:21:44
- ចំនួនមតិ 0 | ចំនួនចែករំលែក 0
ម្សិលមិញជាខួប១១៨ឆ្នាំដែលក្លឹប Barcelona បានចាប់កំណើត
ចន្លោះមិនឃើញ
នៅថ្ងៃទី ២៩ ខែវិច្ឆិកា ឆ្នាំ ១៨៩៩ ពោលគឺម្សិលមិញកាលពី ១១៨ឆ្នាំមុន ក្លឹប Barcelona ត្រូវបានបង្កើតឡើង។
Barcelona បង្កើតឡើងដោយបុរសឈ្មោះ Joan Gamper និងក្រុមការងាររបស់លោកជាអ្នកស្នេហាកីឡាបាល់ទាត់ចំនួន ១១នាក់។ ក្លឹបយក្សអេស្ប៉ាញមួយនេះ បានឆ្លងកាត់ជាច្រើនដំណាក់កាលរហូតក្លាយជាក្លឹបមួយក្នុងចំណោមក្លឹបជោគជ័យបំផុតក្នុងពិភពលោក។
បើទោះជាមិនសូវជោគជ័យនៅដំណាក់កាលដំបូងៗក៏ Barcelona បានចាប់ផ្ដើមស្គាល់យុគមាសរបស់ខ្លួនចាប់ពីទសវត្សទី ៩០មក ដោយក្នុងអំឡុងពេលនោះក្លឹបបានឈ្នះពានធំៗជាច្រើនទាំងក្នុងស្រុក និងក្រៅស្រុក។
គិតមកដល់បច្ចុប្បន្ន Barcelona ឈ្នះពានលីគកំពូលអេស្ប៉ាញចំនួន ២៤ដង ក្នុងនោះ ១១ ឈ្នះក្នុងអំឡុងពេល ២០ឆ្នាំចុងក្រោយតែម្ដង ហើយឈ្នះពាន Copa del Rey ចំនួន ២៩លើក។ ក្រឡេកមើលពានធំៗ ក្រៅស្រុកវិញក្លឹបមានមូលដ្ឋាននៅកាតាឡាន់បានឈ្នះ Champions League ចំនួន ៥លើក, ពាន Super Cup ចំនួន ៥ដង និង FIFA Club World Cup ចំនួន ៣លើក៕