ត្រួសៗពីចាប៉ីដងវែងខ្មែរ ក្នុងឱកាសខួប១ឆ្នាំ នៃចូលជាបេតិកភណ្ឌវប្បធម៌អរូបីនៃអង្គការ UNESCO

2017-11-30 03:51:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃ៣០ វិច្ឆិកា នេះជាខួប១ឆ្នាំ ដែលចាប៉ីដងវែងរបស់កម្ពុជាត្រូវបានគណៈកម្មាធិការអន្តររដ្ឋាភិបាលដើម្បីការការពារកេរមរតកវប្បធម៌អរូបី នៃអង្គការ UNESCO ចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ ដែលត្រូវការការពារជាបន្ទាន់ នៅទីក្រុង Addis Ababa ប្រទេសអេត្យូ។

កម្ពុជាក៏ទទួលបានទឹកកប្រាក់ចំនួន ២សែន៣ ម៉ឺន ដុល្លារអាមេរិក ដើម្បីការពារមរតកប្រពៃណីតន្ត្រីចាប៉ីដងវែងនេះដែរ។ ចាប៉ីដងវែងជាឧបករណ៍តន្ត្រីបុរាណខ្មែរ មានខ្សែ២ ឧបករណ៍នេះសម្រាប់ប្រគំក្នុងវង់ភ្លេងការបុរាណ វង់ភ្លេងអារក្ស វង់ភ្លេងមហោរី និងវង្វង់ភ្លេងការខ្មែរបុរាណ ជាដើម។

ក្រៅពីនេះ ចាប៉ីដងវែង ជាឧបករណ៍ដែលអាចលេងទោលសម្រាប់លេងកំដរចម្រៀងកំណាព្យ ដែលគេដេញហើយបានច្រៀង និងច្រៀងហើយបានដេញ ពីរោះស្ដាប់មិនចេះជិនណាយ។ បច្ចុប្បន្ន ព្រឹទ្ធាចារ្យចាប៉ីដងវែងកម្ពុជាមាន តែពីររូបប៉ុណ្ណោះ គឺ មរតកមនុស្សរស់ ព្រឹទ្ធាចារ្យសិល្បៈកោសល្យវោហារ គង់ ណៃ ព្រឹទ្ធាចារ្យសិល្បៈភិរម្យវោហារ ប្រាជ្ញ ឈួន។

ថ្ងៃនេះលោកព្រឹទ្ធាចារ្យសិល្បៈកោសល្យវោហារ គង់ ណៃ នៅតែបង្ហាញអារម្មណ៍រីករាយយ៉ាងខ្លាំង ។ លោកបានប្រាប់ Sabay ថា ថ្ងៃនេះ ជាថ្ងៃចាំដ៏ល្អរបស់លោក។ «ក្មួយអើយបើនិយាយពីសប្បាយចិត្តនោះសប្បាយខ្លាំងណាស់ មួយជីវិតខ្ញុំស្លាប់បិទភ្នែកជិតហើយ ពេលបានដាក់ បានដឹងថា ចាប៉ីចូលជាកេរមរតកវប្បធម៌អរូបីនៃអង្គការ UNESCO»។

រូបរាងចាប៉ីដងវែងគេចែកចេញជាស្នូក(ប្រអប់សំនៀង) ដង ព្រលួត ប្រកៀន (ធរណី) ខ្ទង់ ក្រាញ(គីង្គក់) ខ្សែសំនៀងធ្វើពីសរសៃសូត្រ និងខ្សែនីឡុង៕

អត្ថបទៈ ស្រីអូន