អាចទេ? ចូលរួមគាំទ្រ ស្នាដៃអ្នកនិពន្ធកវីខ្មែរ នៅបណ្ណាល័យជាតិកម្ពុជាឆាប់ៗនេះ
- 2017-11-30 10:04:08
- ចំនួនមតិ 0 | ចំនួនចែករំលែក 0
អាចទេ? ចូលរួមគាំទ្រ ស្នាដៃអ្នកនិពន្ធកវីខ្មែរ នៅបណ្ណាល័យជាតិកម្ពុជាឆាប់ៗនេះ
ចន្លោះមិនឃើញ
កាលពីិថ្ងៃ ២៨ វិច្ឆិកា មានសន្និសីទសារពត៌មានមួយស្តីពី កម្មវិធីពិព័រណ៍សៀវភៅកម្ពុជា ដោយមានការចូលរួមពីលោកឯកឧត្តម ហាប់ ទូច អគ្គនាយកបច្ចេកទេសវប្បធម៌នៃក្រសួងវប្បធម៌ និងវិចិត្រសិល្បៈ លោកហុក សុទ្ធិ ប្រធានសមាគមបណ្ណារក្ស និងឯកសារវិទូកម្ពុជា និងនាយកអង្គការស៊ីប៉ា ព្រមទាំងលោកស្រី ខ្លូត វិបុលឡា ជាប្រធានបណ្ណាល័យជាតិកម្ពុជា។
វាគ្មិនទាំងបីរូបខាងលើ បានចែករំលែកនូវចំណុចគួរឲ្យចាប់អារម្មណ៍ ព្រមទាំងអត្ថប្រយោជន៍ រួមជាមួយគោលបំណងសំខាន់នៃកម្មវិធីថ្នាក់ជាតិមួយនេះ។ ជាក់ស្តែង ពិព័រណ៍សៀវភៅកម្ពុជាឆ្នាំ ២០១៧នេះ នឹងធ្វើឡើងក្រោមប្រធានបទ “អានច្រើន បង្កើនឱកាសច្រើន” នៅបរិវេណបណ្ណាល័យជាតិកម្ពុជា នាថ្ងៃទី ៨ ៩ និង ១០ ខែធ្នូ ឆ្នាំ ២០១៧ ចាប់ពីវេលាម៉ោង៧ព្រឹករហូតដល់៧យប់។
តាមការបកស្រាយរបស់វាគ្មិនទាំងបីរូប ការជ្រើសរើសយកប្រធានបទនេះ នៅក្នុងគោលបំណងបំផុសឲ្យប្រជាជនកម្ពុជា មិនថាយុវជន និស្សិត កុមារា កុមារី រឺបណ្ឌិតក៏ដោយ សុទ្ធតែត្រូវការសៀវភៅដែលជាប្រភពនៃពត៌មាន ហើយអ្នកអាចប្រើប្រាស់ចំណេះដឹងបានពីការអាននៅពេលក្រោយបាន។
លើសពីនេះទៅទៀត អ្វីដែលប្លែកសម្រាប់កម្មវិធីនៅឆ្នាំនេះ គឺមានស្តង់ចំនួន៨០ ដែលនឹងដាក់តាំងបង្ហាញស្នាដៃ របស់អ្នកនិពន្ធ កវីខ្មែរ ដូច្នេះ អ្នកទស្សនាទាំងឡាយអាចស្គាល់ពីសៀវភៅថ្មីបាន។ នេះគឺជាអត្ថប្រយោជន៍ ក៏ដូចជាគោលបំណងច្បងនៃកម្មវិធីពិព័រសៀវភៅកម្ពុជាផងដែរ។
សូមរម្លឹកថា កាលពីឆ្នាំ ២០១៦ដែលជាពិព័រណ៍សៀវភៅកម្ពុជាលើកទី៥ បានទាក់ទាញចំណាប់អារម្មណ៍ពីអ្នកចូលរួមប្រមាណជិត ២ម៉ឺន៥ពាន់នាក់។ ចំណែកនៅក្នុងឆ្នាំនេះ ពិព័រណ៍សៀវភៅកម្ពុជារំពឹងថាចំនួនអ្នកចូលរួមនឹងកើនឡើងច្រើនជាងឆ្នាំមុន បើតាមប្រសាសន៍របស់វាគ្មិនទាំងបីរូបខាងលើផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
