ក្តៅៗ Never Care លត់ Innocent ៥-០ ឡើង Semi Final ខណៈ៣ក្រុមទៀតក៏រកឃើញដែរ
- 2017-12-03 03:07:42
- ចំនួនមតិ 0 | ចំនួនចែករំលែក 0
ក្តៅៗ Never Care លត់ Innocent ៥-០ ឡើង Semi Final ខណៈ៣ក្រុមទៀតក៏រកឃើញដែរ
ចន្លោះមិនឃើញ
ក្រុមខ្លាំងដ៏ល្បី Never Care នៅតែបន្តភាពខ្លាំងរបស់ខ្លួនដោយបានបំបាក់ក្រុម Innocent ដោយលទ្ធផលតដៃមិនរួច ៥-០ នៅវគ្គ៨ក្រុមចុងក្រោយដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រនៃការប្រកួតជ្រើសរើសជើងឯកកីឡាអេឡិចត្រូនិកថ្នាក់ជាតិប្រចាំឆ្នាំ២០១៧។
ចំពោះក្រុមខ្លាំង Secret ក៏បានទៅកាន់វគ្គពាក់កណ្តាលផ្តាច់ព្រ័ត្រដែរ បន្ទាប់ពីបានយកឈ្នះក្រុម The 5Me ដោយលទ្ធផល ៥-២។ ដោយម្ចាស់ជើងឯកឆ្នាំ២០១៦កន្លងទៅគឺ Successful អស់ឱកាសឡើងវគ្គពាក់កណ្តាលផ្តាច់ព្រ័ត្របាត់ហើយ បន្ទាប់ពីចាញ់ក្រុម Infinity ដោយលទ្ធផល ៣-៥ ខណៈក្រុមស្តេចវាយប្រហារ King Attack បានយកឈ្នះក្រុម Young Boyz ដោយលទ្ធផល ៥-១ ដើម្បីឡោះងវគ្គពាក់កណ្តាលផ្តាច់ព្រ័ត្រដែរ។
លទ្ធផលវគ្គ៨ក្រុមចុងក្រោយ
Never Care ៥-០ Innocent
Secret ៥-២ The 5Me
Successful ៣-៥ Infinity
Young Boyz ១-៥ King Attack
ការប្រកួតវគ្គពាក់កណ្តាលផ្តាច់ព្រ័ត្រ
Never Care vs Secret
Infinity vs King Attack
អ្វីដែលកាន់តែពិសេស វគ្គផ្តាច់ព្រ័ត្រល្ងាចនេះ នឹងផ្សាយផ្ទាល់ដោយទូរទស្សន៍ MYTV
ការប្រកួតជ្រើសរើសជើងឯកកីឡាអេឡិចត្រូនិក(E-Sports)ប្រចាំឆ្នាំ២០១៧នឹងធ្វើនៅសាលាតិចណូ ថ្ងៃសៅរ៍-អាទិត្យ ទី២-៣ ខែធ្នូនេះ។ បងប្អូនអ្នកគាំទ្ររបស់ក្រុមនីមួយៗអាចចូលរួមទស្សនាដោយសេរី និងសប្បាយរីករាយជាមួយកម្មវិធីកម្សាន្តជាច្រើនទៀត។ ព្រឹត្តិការណ៍ឆ្នាំនេះរៀបចំដោយសហព័ន្ធកីឡាអេឡិចត្រូនិកកម្ពុជា និងគាំទ្រដោយគណៈកម្មាធិការជាតិអូឡាំពិកកម្ពុជា ព្រមទាំងចូលរួមឧបត្ថម្ភដោយកុំព្យូទ័រ ASUS ROG, ភេសជ្ជៈ Mountain Dew និងទូរទស្សន៍ MYTV ៕