កំណត់ត្រាគួរឲ្យចាប់អារម្មណ៍មួយចំនួននៅ World Cup
- 2017-12-02 02:10:52
- ចំនួនមតិ 0 | ចំនួនចែករំលែក 0
កំណត់ត្រាគួរឲ្យចាប់អារម្មណ៍មួយចំនួននៅ World Cup
ចន្លោះមិនឃើញ
ការចាប់ឆ្នោតរើសពូលសម្រាប់ពានរង្វាន់ World Cup ឆ្នាំ២០១៨បានធ្វើរួចរាល់អស់ហើយកាលពីយប់មិញ។ សម្រាប់ក្រុមទាំង៣២នឹងបែងចែកទៅជា៨ពូលពី A ដល់ H ហើយក្នុងមួយពូលមាន៤ក្រុម។ ការប្រកួតនឹងធ្វើឡើងពីថ្ងៃទី១៥ មិថុនា ដល់ថ្ងៃទី១៦ ខែកក្កដា ឆ្នាំ២០១៨ នៅលើទឹកដីរុស្ស៊ី។
យ៉ាងណាមុនការប្រកួតចូលមកដល់នៅឆ្នាំក្រោយ Sabay សូមនាំអារម្មណ៍ប្រិយមិត្តមកអានកំណត់ត្រាគួរឲ្យចាប់អារម្មណ៍មួយចំនួននៅ World Cup៖
អាល្លឺម៉ង់នឹងក្លាយជាក្រុមដំបូងដែលអាចការពារជើងឯក World Cup បានគិតចាប់ពីឆ្នាំ១៩៦២ បើសិនជាពួកគេអាចឈ្នះ World Cup នៅប្រទេសរុស្ស៊ី។ បើឈ្នះលើកនេះទៀតពួកគេនឹងលើកពាន៥ដងស្មើគ្នាជាមួយប្រេស៊ីល។
ក្រុមការពារតំណែងជើងឯក World Cup ២ក្រុមចុងក្រោយតែងតែធ្លាក់នៅវគ្គជម្រុះក្នុងពូល (អ៊ីតាលីជើងឯក២០០៦ធ្លាក់វគ្គចែកពូលឆ្នាំ២០១០ ហើយអេស្ប៉ាញជើងឯក២០១០ធ្លាក់វគ្គចែកពូលឆ្នាំ២០១៤)។
អ៊ីស្លង់ និងប៉ាណាម៉ា គឺជាប្រទេសដែលបង្ហាញខ្លួនដំបូងនៅ World Cup លើកនេះ។
ក្រុមម្ចាស់ផ្ទះ World Cup ភាគច្រើនតែងតែឡើងផុតវគ្គជម្រុះតាមពូល លើកលែងតែអាហ្វ្រិកខាងត្បូងមួយប៉ុណ្ណោះដែលធ្លាក់កាល World Cup ២០១០។
ព្រឹត្តិការណ៍ World Cup ទាំង២០លើឈ្នះដោយក្រុមមកពីអឺរ៉ុប ១១លើ និងមកពីអាមេរិកខាងត្បូង (ឡាទីន) ៩លើក។
ប្រេស៊ីលគឺជាក្រុមតែមួយគត់ដែលបង្ហាញខ្លួនគ្រប់ព្រឹត្តិការណ៍ចាប់តាំងពី World Cup បង្កើតមក។
បើឈ្នះ World Cup ព័រទុយហ្គាល់អាចក្លាយជាក្រុមទី៤ដែលឈ្នះពានទ្វីបអឺរ៉ុប និងបន្ទាប់មកឈ្នះ World Cup។ អាល្លឺម៉ង់, បារាំង និងអេស្ប៉ាញសុទ្ធតែធ្លាប់ធ្វើបានកំណត់ត្រានេះ។
ជើងឯក World Cup ទាំង២០លើកសុទ្ធតែដឹកនាំដោយគ្រូបង្វឹកមកពីប្រទេសរបស់ពួកគេ។ ឧទាហរណ៍៖ World Cup ២០០៦ លោក Marcello Lippi ជនជាតិអ៊ីតាលី ដឹកនាំអ៊ីតាលីឈ្នះពាន, World Cup ២០១០ លោក Vicente del Bosque ជនជាតិអេស្ប៉ាញដឹកនាំអេស្ប៉ាញឈ្នះពាន និង World Cup ២០១៤ លោក Joachim Löw ជនជាតិអាល្លឺម៉ង់ដឹកនាំអាល្លឺម៉ង់ឈ្នះពាន៕