គ្រូអង់គ្លេសមិនខ្លាចបែលហ្សិក តែបារម្ភ ប៉ាណាម៉ា និងទុយណេស៊ី
- 2017-12-02 02:41:19
- ចំនួនមតិ 0 | ចំនួនចែករំលែក 0
គ្រូអង់គ្លេសមិនខ្លាចបែលហ្សិក តែបារម្ភ ប៉ាណាម៉ា និងទុយណេស៊ី
ចន្លោះមិនឃើញ
ក្រុមជម្រើសជាតិអង់គ្លេសស្ថិតនៅក្នុងពូល G ជាមួយបែលហ្សិក, ប៉ាណាម៉ា និងទុយណេស៊ី សម្រាប់ការប្រកួត FIFA World Cup ឆ្នាំក្រោយនៅប្រទេសរុស្ស៊ី។
ជើងឯកពានរង្វាន់ពិភពលោក១សម័យកាលនឹងចាប់ផ្ដើមការប្រកួតទល់នឹងទុយណេស៊ី នៅថ្ងៃច័ន្ទ ទី១៨ ខែមិថុនា ឆ្នាំ២០១៨ រួចបន្តប៉ះក្រុមប៉ាណាម៉ា ថ្ងៃ២៤ មិថុនា និងចុងក្រោយប៉ះជើងខ្លាំងបែលហ្សិក នៅ៤ថ្ងៃបន្ទាប់។
ពាក់ព័ន្ធនឹងការប្រកួតខាងលើគ្រូបង្វឹកអង់គ្លេស Gareth Southgate បានបង្ហាញទំនុកចិត្តខ្ពស់ក្នុងការលេងទល់នឹងបែលហ្សិកដោយសារកីឡាករជម្រើសជាតិភាគច្រើនរបស់ពួកគេកំពុងលេងនៅ Premier League ដូច្នេះងាយស្រួលសម្រាប់លោកដើម្បីអង្កេតមើលជើង និងទម្រង់លេង។
យ៉ាងណាបុរសវ័យ៤៧ឆ្នាំបារម្ភចំពោះជើងកីឡាករ ប៉ាណាម៉ា និងទុយណេស៊ីដោយសារលោកមិនសូវបានតាមដានក្រុមទាំងនោះ។ "ខ្ញុំនឹងសិក្សាបន្ថែមលើក្រុមទុយណេស៊ី និងប៉ាណាម៉ា ព្រោះពួកគេហាក់នៅឆ្ងាយពីការអង្កេត។ ចំពោះបែលហ្សិកគឺយើងដឹងគ្រប់យ៉ាងពីពួកគេ ព្រោះកីឡាករបែលហ្សិកជាច្រើនកំពុងលេងនៅលីគអង់គ្លេស"៕