អស់ទាស់ដាច់ឆ្នាំនេះ! Toyota លែងមែនទែន បញ្ចុះតម្លៃដល់ ៣០%

2017-12-02 12:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Toyota (ខេមបូឌា) បានរៀបចំកម្មវិធីបញ្ចុះតម្លៃពិសេសចាប់ពី ១០-៣០% ចំពោះសេវាកម្មថែទាំ ជួសជុលទូទៅ និងប្ដូរគ្រឿងបន្លាស់ ចាប់ពីថ្ងៃទី២៣ វិច្ឆិកា ២០១៧ ដល់ ២៨ កុម្ភៈ ២០១៨ ដើម្បីអបអរសាទរដំណាច់ឆ្នាំ ព្រមទាំងអរគុណដល់អតិថិជនដែលគាំទ្រ។

លោក ដោ ទិវា អ្នកគ្រប់គ្រងផ្នែកសេវាកម្មអតិថិជន Toyota (ខេមបូឌា) បាននិយាយថា៖ "ប្រូម៉ូសិនលើកនេះច្រើនជាងសព្វដងរហូតដល់ ៣០% ហើយនៅទូទាំងប្រទេសទៀត ព្រោះដើម្បីអបអរឆ្លងឆ្នាំផង ហើយក៏ឆ្លៀតអរគុណអតិថិជនផង ដែលគាំទ្ររហូតមក"។

យានដ្ឋានដែលមានអាជ្ញាប័ណ្ណទទួលស្គាល់ពីរោងចក្រផលិតរថយន្ត Toyota និងរដ្ឋាភិបាលកម្ពុជាមួយនេះ នឹងបើកប្រូម៉ូសិនសម្រាប់អ្នកកំពុងប្រើប្រាស់ឡាន Lexus និង Toyota ទាំងអស់ ដោយមិនកំណត់ម៉ូដែល ឆ្នាំ ឬទិញពីហាងខាងក្រៅនោះឡើយ។

អ្នកគ្រប់គ្រងផ្នែកសេវាកម្មអតិថិជនរូបនេះ អះអាងថា៖ "រថយន្តដែលជួសជុលនៅក្រុមហ៊ុន មិនបាច់បារម្ភរឿងខូច ឬក៏មានបញ្ហាកើតឡើងកន្លែងដដែលៗឡើយ ព្រោះយើងមានជាង និងអ្នកបច្ចេកទេសផ្នែករថយន្តដែលទទួលការបណ្ដុះបណ្ដាលពីរោងចក្រ Toyota ជប៉ុនផ្ទាល់ ជាមួយនឹងឧបករណ៍ទំនើប"។