Pogba ប្រាប់ Spurs ថា Dele Alli កំពុងមានទីផ្សារ ហើយបើលក់បានថ្លៃមិនស្ទើរ

2017-12-02 06:35:40
ចំនួនមតិ 0 | ចំនួនចែករំលែក 0

ចន្លោះមិនឃើញ

Pogba ជឿជាក់ថាតម្លៃរបស់ Alli កំពុងតែកើនឡើងហើយនឹងបន្តកើនឡើងទៀត ដូចដែលទម្រង់លេងរបស់ខ្សែបម្រើ Tottenham កំពុងធ្វើឲ្យក្លឹបធំៗនៅអឺរ៉ុបមានការភ្ញាក់ផ្អើល។ នេះបើតាម The Sun ចុះផ្សាយម្សិលមិញ។

Pogba បានចូលរួមជាមួយក្រុម Man Utd តម្លៃ៨៩លានផោន កាលពីឆ្នាំ២០១៦ ជាតម្លៃបំបែកឯកកត្តកម្មថ្លៃបំផុតក្នុងប្រវត្តិកីឡាករបាល់ទាត់នាសម័យនោះ។

"ខ្ញុំគិតថាគេ [Alli] មានតម្លៃជាង ១០០ លានផោន ពីព្រោះ អ្នកឃើញហើយទម្រង់លេងរបស់គាត់។ គាត់មានទេពកោសល្យ ហើយនៅក្មេងទៀត"។ តារាឆ្នើម Paul Pogbaរបស់ Man Utd បាននិយាយ។

កីឡាករ Dele Alli វ័យ ២១ ឆ្នាំ សញ្ជាតិអង់គ្លេសកាន់តែទទួលបានការចាប់អារម្មណ៍កាន់តែខ្លាំងបន្ទាប់ពីជួយក្រុមមាន់ខ្នាយមាស Tottenham បំបាក់ Real Madrid ៣-១ ក្នុងក្របខ័ណ្ឌបាល់ទាត់កំពូលអឺរ៉ុប Champions League កាលពីដើមខែវិច្ឆិកា។

Alli ផ្ទេរមក Spurs ក្នុងឆ្នាំ ២០១៥ តម្លៃ ៥ លានផោន ពីក្លឹប MK Dons ដែលនៅក្របខ័ណ្ឌលីគទី២របស់អង់គ្លេស ហើយបើតម្លៃខ្លួន Alli បានលើសពី១០០លានផោនដូច Pogba ថាមែន នោះបានន័យថាតម្លៃខ្លួនរបស់គេកើនឡើងដល់ទៅជាង២០ដងក្នុងរយៈពេល២ឆ្នាំ។

ប្រភព៖ The Sun ប្រែសម្រួល៖ សុខ លាងហ៊ត